سه‌رۆك وه‌زیرێن حكومه‌تا عیراقێ د گوتاره‌كێدا ل رێوره‌سمێن پێنج سالییا وه‌غه‌ركرنا جه‌لال تاله‌بانى راگه‌هاند، ئه‌و په‌یوه‌ندییێن باش یێن دناڤبه‌را هه‌ولێر و به‌غدا دا هه‌ین، ل سه‌ر بنه‌مایێن دانوستاندن و دووركه‌ڤتن ژ تێكدانێ هاتینه دامه‌زراندن و گوت : ئه‌و نوكه ژ هه‌موو ده‌مێن دى پێدڤى ب ئارامى و زانایی و سیاسه‌ت و نه‌خشه‌رێیێن مام جه‌لالینه بۆ ده‌ربازكرنا قه‌یرانان.
كورتییه‌ك ژ گوتارا مسته‌فا كازمى :
-
ئه‌ڤرۆ هاتینه ڤێرێ داكو بیرهاتنێن كه‌سایه‌تییه‌كا مه‌زن یا نیشتیمانى ساخ بكه‌ین، كو روحه‌كا تێكوشه‌ر هه‌بوو، خودان به‌ژنه‌كا بلند یا ب رێك و پێك بوو، ئه‌ڤرۆ هزرا ئه‌وى دكه‌ین، مه گه‌له‌ك پێدڤى ب ئارامى و حكمێ ئه‌وى بۆ رێگرتن ژ به‌رفره‌هبوونا قه‌یرانان و لێك نێزیككرنا هزرێن هه‌ڤپشك و ڤه‌گه‌راندنا باوه‌رییێ دناڤبه‌را برایێن وه‌لاتیدا ئه‌وێن قوربانییه‌كا مه‌زن داى و خوینه‌كا زێده ل هه‌موو قۆناغێن خه‌باتێ بۆ دیموكراتى و نیشتیمان و ئازادییێ رێشتی هه‌یه.
-
ئه‌ڤرۆ د ده‌مه‌كیدا بیرهاتنێ، مام جه‌لالى ساخ دكه‌ین، كو ئه‌م د سه‌رده‌مه‌كیدا دژین بها و ره‌وشت دجیهانا سیاسیدا نه‌ماینه، زمانێ تومه‌تان ب سه‌ر زمانێ ئارامى و دیالۆگ و گه‌هشتن ب چاره‌سه‌رییێن ئاشتییانه زالبوویه.
-
ئه‌ڤرۆ ژبه‌ر هه‌لاویستنا سیاسه‌تێ، وه‌لاتێ مه د ڤالاهییا كه‌سایه‌تییه‌كا مه‌زنا وه‌كو یا مام جه‌لالیدا دژیت.
-
من گه‌له‌ك بیرهاتن دگه‌ل مام جه‌لالى هه‌نه، ئه‌وى هه‌رده‌م ل سه‌ر بنه‌مایێن مرۆڤایه‌تى كار كرییه، و كارێ سیاسى بۆ دیموكراسی و مرۆڤ و نیشتیمان و دادپه‌روه‌رییێ دكر.
-
دڤێن ئه‌وان ده‌ستكه‌ڤتان بپارێزین یێن مام جه‌لالى خه‌بات بۆ كرى.
-
د ئاریشه‌یێن مه‌زندا مام جه‌لالى هه‌موو لایه‌ن كۆمدكرن و ئاریشه چاره‌سه‌ردكرن.
-
نه‌خشته‌رێیا مام جه‌لالى هه‌موو چاره‌سه‌رى ده‌ستنیشاندكرن، كار بۆ ده‌وله‌تا دامه‌زراندى دكر.
-
پێدڤییه لایه‌ن ڤه‌گه‌رنه سه‌ر مێزا دانوستاندنان داكو ئاریشه چاره‌سه‌رببن.
-
دڤێت گه‌لێ عیراقێ و به‌رژه‌وه‌ندییێن ئه‌وێ ئارمانجا سه‌ره‌كى بیت، و پێدڤییه هه‌موو لایه‌ن كار بۆ ئه‌وان به‌رژه‌وه‌ندییان بكه‌ن.
