سەرۆكێ ئەمریكا راگەهاند، ئەڤێ حەفتییێ دێ سزایێن نوی ب سەر بەرپرسێن ئیرانێ دا سەپینین.
جۆ بایدن، سەرۆكێ ویلایەتێن ئێكگرتی یێن ئەمریكا د راگەهاندنەكێ دا گۆت: ئەس گەلەك ب دەنگۆباسێن كۆشتنا خوەنیشاندەران و ئازاردانا قۆتابییان و ژنان ل ئیرانێ یێ دلگرانم، ژبەركۆ ئەو بتنێ داخوازا مافێن خوە یێن بنەرەتی دكەن.
ئاشكەرا ژی كر، د ڤێ حەفتییێ دا ئەمریكا دێ سزایێن زێدەتر ب سەر ئەنجامدەرێن توندوتیژییان ل دژی خوەنیشاندەران سەپینیت، ژبەركۆ خوەنیشاندەر ل ژێر سایا جارناما نەتەوێن ئێكگرتی و راگەهاندنا ناڤدەولەتی بۆ مافێن مرۆڤی داخوازا دادپەروەرییێ دكەن.
ئیران ژی ب هندێ تۆمەتباركرییە كۆ ئەڤە چەندین سالە ئازادییێن بنەرەتی یێن گەلێ خوە ب رێیا ترساندنێ و بكارئینانا هێزێ بن پێ دكەت.
دۆپات ژی كر، ئەمریكا دێ دگەل ژنێن ئیرانێ بیت، و دێ ئاسانكارییا بۆ خەلكێ ئیرانێ كەت كۆ ئەنترنێتێ بدەستڤەبینین.
