ئیسماعیل سلێمان هاجانی
خوەزی هەموو وەختێن سالێ پایزبانە. هەکە بێ دادیەک ل ئەردو ئەسمانا هەبت ل نک پایزێ دادپەروەریە. نەڕۆژ درێژن نەشەڤ، نە سارە نە گەرم. لێ پایز ژی تێرا خوە هەیە. پایز چاخێ خاتر خوەستنانا پلێن دار و بارینە ژ ئێک تا د وەشن و بژالە دبن. با گێسکێ خودێ یە هەموو تشتان ب بای ڕادمالیت. هەوە هاژێ هەیە گریا بەلگێن دارا دەمێ با وان ژێک ڤەدکت هەر ئێکێ ب لایەکێدا غەوارەدکت. هەکە هوین باوەرنەکن وەکی من سپێدەیێن پایزێ زوو ژ خەو هشیاربن، دا هەوە گوهـ ل زێمارا خاترخوەستنا بەلگێن دارو باری ب بت.
ڤێ سپێدێ ئەز بەری شەشێ ژ خەو هشیار بووم، بایێ پایزێ گازی من دکر. هوو دینۆ تۆ هەشیار بووی کا وەرە ژ مال دەرکەڤە. ژ بەر جگارێ من سێ کەفچکێن ماستی داعویران و ل ترمپێلێ سیار بووم چووم سەرێ گرێ خەما. ناڤەرا گوندێ سۆرکا و خانکێدا هنداڤی روبارێ دجلەی. هەوایەکی هند خوەش دهات چەندی بێژم هوین باوەرناکن. چنکو تەژی ناڤ ڤی بای رۆحێن سادە بوون. چاڤێن منێن حەسوید ژکەسکاتیا ئاقاری و شیناتیا عەسمانی ڤەنەبوون. دبن لێڤانڤە من دگۆت مڕۆڤن دنیایێ خراب دکن و مڕۆڤن دنیایێ ئاڤادکن. سەحکە ڤان پرێزا چاوا شنگالیێن لەپ زێرین کەسکرینە، گەلەک هێدی د بەر وان بیستانانڕا دبوریم. سترانەکا پیرە پایزۆکێ ژ ترۆمپێلا من بلند دبوو. ل بن کەپرێ و ل بەر کۆچکی غەزالەکا شنگالی، ناڤتەنگ زراڤ، چاڤ کەسک، دێم زیوانی و ئەرزنک چال ژبن کەپرێ دەرکەفت و د گەل دەنگێ سترانا ژ تڕۆمپێلا من بلند دبت ڤەگێرا و دەنگەکی فریشتەیانی، ئەز ب ترۆمپێل و دەنگرڤ چیز کرن و پاشێ دەستێ خوەدا بن گۆهێ خوە و قیرکرە وەر حەلیمێ. ژ ترۆمپێلێ پەیابووم وەک سەنەما د جهدا چکلیم. دەمەکێ لهنداڤی تاڤا سەر کۆچکی ڕاوەستا و خوارنا خوەتێکڤەدا و ل خوە زڤری و گۆت ب شێخادی تۆ ناچی حەیا تاشتیێ ب مەرە نەخوی. تاشتی چ تاشتیە پاچان و فلفلێن تیژ و باچانڕەشک و کەت و ماتێن بامیا و لۆبیکا هەموو ژ زاخا کەدا دەستێن وێ. ئەوە ئەز هەیم من تێشتەکا هۆسا ب تام نەخواریە.هەرتشت ژ کەدا دەستێن ژنان ب تام و چێژەکا تایبەتە. د رێدەمنگۆتدێ تشتەکێ ل سەر ژنێن شنگالێ نڤیسم و کەدا دەستێن وان دەمێ گەهشتیمە مال تەلەڤزیون یە هەل بوود گۆت دڤان سالاندا ٨۷٤۳ زاڕۆک ل کەمپێن ئاوارێن شنگالێ ژدایک بوونە. من دسەرێ خودا گۆتئەڤە دێ ڤالاتیا فەرمانەکادی ژی تژی کن. من خوە سێ جاران بۆ ڤان دایکێن بەرهەمهێنەر تەواند و دبن لێڤانڤە گۆت. مەرگێ هندی ژنێن دناڤ مەرمەر و سیرامیکادە و خودانێن خوارنێن دلیڤەری و سالۆنێن ب دەهـ وەرقا و بۆتێکس و کەپی فەچکرنێ ئوپشتی زاڕۆکێ ئێکێ و دووێ خوە گرێددن قوربانی سەرێ هەوەبن.
