جڤاتا وه‌زیرێن هه‌رێما كوردستانێ پرۆژه‌ قانوونه‌كا چاندنێ و بریاره‌كا تایبه‌ت ب چاكسازییێ ڤه‌ په‌سه‌ندكرن

ئه‌ڤرۆ پێنجى چریا ئێكێ یا سالا 2022ێ جڤاتا وه‌زیرێن هه‌رێما كوردستانێ ب سه‌رپه‌رشتییا سه‌رۆكێ حكومه‌تێ مه‌سرور بارزانى و جێگرێ ئه‌وى كۆمبوو.

برگه‌یا ئێكێ یا كۆمبوونێ گرێدایى ره‌شنڤیسا پرۆژه‌ قانوونا ( كاراكرن و هه‌مواركرنا بكارئینانا قانوونا كه‌رنتینكرنا چاندنا فیدرالى ژماره‌ 76 یا سالا 2012ێ هه‌مواراكرى ل هه‌رێما كوردستانێ ) بوو، و ژلایێ وه‌زیرا چاندن و ژێده‌رێن ئاڤێ بێگه‌رد تاله‌بانیڤه‌ هاته‌ خواندن، پاشان ژلایێ جڤاتا وه‌زیرانڤه‌ هاته‌ په‌سه‌ندكرن و وه‌زیرا هه‌رێمێ بۆ كاروبارێن په‌رله‌مانى ڤالا فه‌رید هاته‌ راسپاردن كو ئه‌وى پرۆژه‌یى ئاراسته‌یى په‌رله‌مانێ كوردستانێ بكه‌ت داكو بهێته‌ ته‌شریعكرن، ئارمانج ژ ئه‌ڤى پرۆژه‌یى رێكخستنا پرۆسه‌یێن ده‌رخستنا گیایان و به‌رهه‌مێن ئه‌وان و هاورده‌ و هنارتنا ئه‌وانه‌ بۆ رێگرتنێ ژ ده‌ركه‌ڤتنا ئاریشه‌یێن چاندنێ و به‌لاڤبوونا وان ل هه‌رێما كوردستانێ.

بكارئینانا هه‌مان ئه‌و پرۆژه‌ و رێكار و پیڤه‌ران ل سه‌رانسه‌رى عیراقێ دێ كار پێ هێته‌كرن، و ئه‌و قانوونه‌ دێ ژلایێ لژنه‌یه‌كا بلندڤه‌ هێته‌ بجهئینان كو نوونه‌رێن وه‌زاره‌تا چاندنێ و ژێده‌رێن ئاڤێ ، خواندنا بلند، ڤه‌كۆلینێن زانستى، ناڤخۆ، بازرگانى و پیشه‌سازى، دارایى و ئابوورى، ساخله‌مى و ده‌سته‌یا پاراستن و چاككرنا ژینگه‌هێ تێدا بن.

دبرگه‌یا دووێ یا كۆمبوونێدا و ژ چارچووێ پێنگاڤێن حكومه‌تا هه‌رێما كوردستانێ بۆ بجهئینانا قانوونا چاكسازییێ، ره‌شنڤیسێ بریارا جڤاتا وه‌زیران تایبه‌ت ب جهئینانا مادده‌یێ ( 9 ) ژ قانوونا چاكسازییێ ژلایێ سه‌رۆكێ فه‌رمانگه‌ها هه‌ماهنگى و دوڤچوونان عه‌بدولحه‌كیم خسره‌ویڤه‌ هاته‌ خواندن، پشتى دانوستاندن و را گهورینان، جڤاتا وه‌زیران ره‌شنڤیسا بریارێ په‌سه‌ندكر.

جڤاتا وه‌زیران دووپاتى ل پێداگیرییا خوه‌ بۆ بجهئینانا قانوونا چاكسازییێ ژ پێخه‌مه‌ت رێكخستنا وه‌زیفه‌یێن گشتى و خانه‌نشینى و بده‌ستخستنا دادپه‌روه‌رییێ  ل مفاوه‌رگرتن ژ داهاتێ گشتى و رێگرتنێ ل هه‌داردانێ كر، ب مه‌رجه‌كى كو مافێ خه‌لكێ ژ هه‌ژى بهێته‌ پاراستن و نه‌بیته‌ ئه‌گه‌رێ بێ به‌هركرنا ئه‌وان ژ شایسته‌ و مووچه‌ی.