رێبەر ئەحمەدی سێ پێشنیار بۆ هەلبژارتنا سەرۆککۆماری خستنه‌ به‌رچاڤ

رێبەر ئەحمەد، وەزیرێ ناڤخۆ یێ حکومەتا هەرێما کوردستانێ و بەربژارێ پارتی دیموکراتی کوردستان بۆ پۆستێ سەرۆكکۆمارێ عێراقێ سێ پێشنیار بۆ هەڵبژارتنا سەرۆكکۆماری خستینه‌ به‌رچاڤ.

ئەڤرۆ شەمبییێ 8/10/2022 ێ، رێبەر ئەحمەد، پشكداری كر د دیدارا پرسا کورد ل رۆژهەلاتا ناڤین سەبارەت ئێکلاییکرنا پۆستێ سەرۆكکۆماری دیار كر: “یان دڤێت ئەو حزبا زۆرینەیا دەنگا ب ده‌ستڤه‌ ئیناین بەربژارێ وی پۆستی دیار بکه‌ت، یان هه‌ڤشێوێ سالا 2014 پەرلەمانتارێن کورد ل عێراقێ دەنگی ب بەربژارێن سەرۆكکۆماری بدەن، ئەگەرنه‌ ئه‌م د ئامادەینه‌ وێ دەنگدانێ ببەینە ناڤا پەرلەمانێ کوردستانێ و ل وێرێ وێ پرسێ ئێکلا بکەین.

ناڤهاتی گۆت ژی: “نابیت وه‌سا بهیته‌ دانان كو پۆستێ سەرۆكکۆماری ب تنێ بۆ پشکا لایەنه‌كێ سیاسی یی کوردستانییە، ئەو کەسێ دبیتە سەرۆكکۆمار نوونەرێ حزبه‌كێ نینە، بەلکو مە دڤێت سەرۆكکۆمار نوونەراتییا هەموو خەلکێ کوردستانێ بکه‌ت”.