<h3 style="text-align: justify;"><span style="font-size: 18pt;">سهرۆكێ ههرێما كوردستانێ راگههاند، هیڤییا وى ئهوه ب زووترین دهم حكومهتا نوو یا عیراقێ بهێته پێكئینان و چارهسهركرنا ئاریشهیێن دناڤبهرا ههرێما كوردستانێ و عیراقێدا كلیلا سهقامگێرى و ئارامییا عیراقێیه.</span></h3> <h3 style="text-align: justify;"><span style="font-size: 18pt;">نێچیرڤان بارزانى سهرۆكێ ههرێما كوردستانێ ل دهمێ پێشكێشكرنا گوتارهكێ د رێورهسمێن ئاههنگا دهرچوویێن زانكۆیا دهۆكێدا بۆ قوتابیان راگههاند، دڤێت ئهو زانست و بسپۆرییا د خواندنێدا بدهستڤه دئینن، بۆ ئاڤهدانكرنا وهلاتێ خوه بكاربینن.</span></h3> <h3 style="text-align: justify;"><span style="font-size: 18pt;">ههروهسا گوت : بهردهوام بزاڤێ بۆ پێشخستنا خوه بكهن، كارێ خۆبهشخییێ دگهل رێكخراوان بكهن، داكو ئهزموونهكا زێدهتر پهیدابكهن، ژبهركو ژمارهیا دهرچوویان و پێدڤییا بازارێ كارى یا ههڤسهنگ نینه.</span></h3> <h3 style="text-align: justify;"><span style="font-size: 18pt;">و زێدهتر ئاشكراكر، پێدڤییه ئهزموونا ههوه لێبوورین و پێكڤهژیانێ ب تایبهتى ل پارێزگهها دهۆكێ كوورتر لێبكهت.</span></h3> <h3 style="text-align: justify;"><span style="font-size: 18pt;">سهرۆكێ ههرێما كوردستانێ روونژى كر، نابیت قوتابى پشتى تمامكرنا زانكۆیێ وهسا هزربكهت كو ئێدى فێربوون ب دووماهى هات، ژبهركو ههردهم فێربوون و دونیادیتن ب دووماهى ناهێن، مرۆڤ چهند پتر بزانیت، باشتر تێدگههیت كو هێشتا گهلهك مایه تێبگههیت و ببیته رووناهى بۆ دهوروبهرێن خوه.</span></h3> <h3 style="text-align: justify;"><span style="font-size: 18pt;">ل دۆر ههلبژارتنا سهرۆككۆمارێ عیراقێ نێچیرڤان بارزانى دیاركر، دووباره پیرۆزباهییێ ل سهرۆكوهزیرێن عیراقێ دكهت، هیڤییا وى ئهوه ب زووترین دهم حكومهتا نوو پێكبینیت.</span></h3> <h3 style="text-align: justify;"><span style="font-size: 18pt;">ئاماژه ب هندێ دا، پێدڤییه لایهنێن عیراقێ مفاى ژ شاشییێن بوورى وهربگرن، پێدڤییه ئاریشهیێن ههولێر و بهغدا ل سهر بنهمایێن دهستوورى بهێنه چارهسهركرن، ژبهركو ئهو كلیلا سهقامگێرى و ئارامییا عیراقێیه.</span></h3>
