میدیایێن ناڤخۆیی یێن بریتانیا بەلاڤكرییە، 100 پەرلەمانتارێن پارتا پارێزگاران دێ ناما دەست ژكاركێشانا باوەرییێ ژ سەرۆك وەزیرێن بریتانیا پێشكێشی سەرۆكێ لیژنا پارتا خوە كەن.
ل دویڤ راپۆرتەكا رۆژناما دەیلی مەیل یا بریتانی، پەرلەمانتاران داخواز ژ سەرۆكێ لیژنا پارتا پارێزگاران كرییە كۆ لیز ترەس ئاگەهداربكەت كو دەمێ وێ ب دوماهی هاتییە.
لیز ترەس د بانگەشەیا هەلبژارتنێن پۆستێ سەرۆك وەزیران دا سوزا كێمكرنا باجێ ب وەلاتییێن بریتانیا دابوو، لێ چەند حەفتییەكان پشتی دەستبكاربوونا وێ كواسی كوارتینگ، وەزیرێ دارایی یێ كابینا خوە ژ پۆستێ وی دویرئێخست و جێرمی هانت ل جهێ وی وەك وەزیرێ دارایی دەستنیشانكر.
ڤێ یەكێ ژی كارڤەدان و نەرازیبوونێن مەزن ل دویڤ خوە ئینان و ئەندامێن پارتا پارێزگاران داخوازدكەن ترەس ژ پۆستێ وێ بهێتە دویرخستن. ژبەركو پلانێن دارایی یێن وێ قەریرانا سیاسی و نەجێگیربوونا بازاری كویرتر لێ كرینە و ل سەر ئاستێ ناڤدەولەتی ژی كارڤەدان ل دویڤ خوە ئیناینە.
