ديندار زێباری: هەرێما کوردستانێ گەهشتییە قووناغه‌كا مەترسیدار ژ بکارئینان و بازرگانیکرنێ ب مادێن بێهۆشكه‌ر

ديندار زێباری راگه‌هاند، هەرێما کوردستانێ گەهشتییە قووناغه‌كا مەترسیدار ژ تووشبوون و بکارئینان و بازرگانیکرنێ ب مادێن بێهۆشكه‌ر، ب رێیا هه‌رێما كوردستانێ‌ بازرگانی ب وان مادان دهێته‌ كرن‌ و ره‌وانه‌یی وه‌لاتێن ده‌رڤه‌ دكه‌ن.

ئه‌ڤرۆ سێشه‌مبی‌ (18 ئۆكتۆبه‌را 2022) ێ، دیندار زێباری، رێکخەرێ راسپاردێن نێڤدەوله‌تی یێ حکومەتا هەرێما کوردستانێ د كۆنفرانسه‌كێ رۆژنامه‌ڤانیدا راگەهاند، نوكه‌ هەرێما کوردستانێ گەهشتییە قووناغه‌كا مەترسیدار ژ تووشبوون و بکارئینان و بازرگانیکرنێ ب مادێن بێهۆشكه‌ر، ئامار د مه‌ترسیدارن، له‌وما پێدڤییه‌ گاڤێن جددی بهینه‌ هاڤێتن بۆ رێگرتنێ ژ بكارئینان و بازرگانیكرنێ  ب مادێن بێهۆشكه‌ر.

ناڤهاتی گۆت ژی: ل ده‌ڤه‌رێن سنووری یێن هه‌رێما كوردستانێ ئه‌و ماده‌ دهێنه‌ چاندن‌ و دهنێرنه‌‌ ناڤا هه‌رێما كوردستانێ، ب ‌رێیا هه‌رێما كوردستانێ ژی‌ ره‌وانه‌یی وه‌لاتێن ده‌رڤه‌ دهێته‌ كرن.