هه‌ڤپه‌یمانییا برێڤه‌برنا ده‌وله‌تێ ژڤانێ ده‌نگدانێ ل سه‌ر پێكئینانا حكومه‌تێ ئاشكراكر

هه‌ڤپه‌یمانییا برێڤه‌برنا ده‌وله‌تێ راگه‌هاند، رۆژا شه‌مبییا بهێت 22ى چریا ئێكێ یا سالا 2022ێ ل روونشتنا جڤاتا نوونه‌ران دێ گازییێ بۆ پێكئینانا حكومه‌تا نوو كه‌ن.

ل دووڤ راگه‌هاندنێ، كۆمبوونا دووهى ئه‌وا ل نڤێسینگه‌ها سه‌رۆكێ په‌رله‌مانى محه‌مه‌د حه‌لبووسى هاتییه‌ كرن، یا تایبه‌ت بوو ب دانوستاندكرنێ ل سه‌ر پێكئینانا حكومه‌تا نوو، و ئاماژه‌ ب هندێ دا، هه‌ڤپه‌یمانى بله‌زكرنا پرۆسه‌یا پێكئینانا حكومه‌تێ ب پێدڤى دزانیت، ژبه‌ر هندێ هه‌ڤپه‌یمانى داخوازێ ژ جڤاتا نوونه‌ران دكه‌ت ل رۆژا شه‌مبى 22ى چریا ئێكێ یا 2022ێ ده‌نگ ل سه‌ر پێكئینانا حكومه‌تا نوو یا عیراقێ بده‌ت.