بسپۆرەکێ ئابووری: بھایێ دۆلاری دێ داکەڤیت

ئاژانسا خانی ، تایبەت:

 

حوکمەتا نوو یا عێراقێ لبەرە بھایێ دیناری بلند بکەت و بسپۆرەکێ ئابووری ژی ئاشکرا کر، ل سالا بهێت دێ بھایێ دۆلاری داکەڤیت ھەمبەر دینارێ عێراقی و ل گەل پەسەندکرنا پڕۆژە قانوونا بودجەیی دێ بڕیار ل سەر ھێتەدان.

پرۆفیسۆر خالد حەیدەر، بسپۆری ئابوری بۆ ئاژانسا خانی دیار کر” دەمێ بھایێ دۆلاری بلند کری ھەمبەر دینارێ عێراقی خەلکێ عێراقێ رازینەبوون، چونکی بلند کرنا بھایێ دۆلاری کاریگەری ل سەر بازاڕی و تەخا ھەژاران ھەبوویە، ھەر وی دەمی ژی ھندەک لایەنێن عێراقی ئاشکرا کربوو دێ بلندکرنا بھایێ دۆلاری ب تنێ بۆ راگرتنا بالانسێ بیت ژبەر داکەفتنا رەوشا ئابووریا عێراقێ و دێ ڤەگەڕیته‌ڤه‌ بھایێ بەرێ.

ناڤهاتی گۆت ژی” ئەز پێشبینی دکەم ل گەل پەسەندکرنا پڕۆژە قانوونا بودجێ سالا بهێت دەستکاری د بھایێ دۆلاری دا بھێتە کرن و مەرج نینە قووناغا ئێکێ ڤەگەڕیت بۆ ١١٨ ھزار دیناران، بەلێ ئەگەر ١٠٠ نەبیتە ١١٨ ھزار دینار ژی ئەڤە دێ نێزیکی ئەڤی بھایی بیت، ھەموو لایەنێن عێراقی و حوکمەتا نوو ژی گەھشتییە وێ باوەریێ پێدڤییە بھایێ دینارا عێراقی بھێتە بلند کرن، چونکی نوکە رەوشا عێراقێ ژی باشترە ژلایێ دارایی ڤه‌.