ئه‌مانا به‌غدا ڕاگه‌هاند، ئه‌و دێ ویستگه‌هێن گوهورینا گلێشی ئه‌وێن ل به‌غدا ئاڤاكه‌ت وه‌كی وان ویستگه‌هان بن ئه‌وێن نوكه ل تركیا و چینێ و دێ ئه‌وی گلیشی و به‌رمایكان كه‌ته ووزه‌یا كاره‌بێ.
محه‌مه‌د روبه‌یعی، رێڤه‌به‌رێ په‌یوه‌ندیان ل ئه‌مانا به‌غدا دیاركر، رۆژانه 9 هزار ته‌نێن به‌رمایك و گلێشێ هشك ل به‌غدا په‌یدادبیت و ب رێكا وان دێ شێن 40 میگاواتێن كاره‌بێ به‌رهه‌مئینین.
ناڤبری دیاركر، ب رێكا چه‌ند كومپانییێن وه‌به‌رهێنانێ دێ ئه‌و ویستگه‌هـ ل ده‌ڤه‌رێن نه‌هره‌وان و ئه‌بوغریب لسه‌ر رووبه‌رێ 50 دونه‌مان هێنه دانان.
لدووڤ گۆتنێن روبه‌یعی، ئه‌ڤ ویستگه‌هه دێ وه‌كی ویستگه‌هێن تركیا و چینێ بن ئه‌وێن كاره‌بێ ژ به‌رمایكێن هشك دروست دكه‌ن.
لدووڤ ئامارێن رێكخراوا (UNDP) یا سه‌رب نه‌ته‌وێن ئێكگرتی ڤه رۆژانه 30 هزار ته‌نێن به‌رمایكێن هشك ل عیراقێ دروست دبن به‌لێ هه‌تا نوكه ب شێوه‌كێ باش مفا ژێ نه‌هاتیه وه‌رگرتن.
