ئێرڤن هیكس : پالاوگه‌ها لاناز باشترین نموونه‌یا هه‌ڤپشكییا دناڤبه‌را ئه‌مریكا و هه‌رێما كوردستانێدایه‌

كونسۆلێ گشتییێ ئه‌مریكا ل هه‌ولێرێ راگه‌هاند، ئه‌و یێ شه‌ره‌فمه‌ندبوو دگه‌ل مه‌سرور بارزانى و كۆمپانیا ئه‌مریكى هه‌نیوێل، یه‌كه‌یا نوو یا بانزینا پالاوگه‌ها لاناز ڤه‌كرى، ئه‌و باشترین نموونه‌یا هه‌ڤپشكییا دناڤبه‌را ئه‌مریكا و هه‌رێما كوردستانێدایه‌، و دێ هه‌ڤكارییا پێشخستنا هه‌رێما كوردستانێ كه‌ت.

ئێرڤن هیكس كونسۆلێ گشتییێ ئه‌مریكا ل هه‌ولێرێ د تویته‌كیدا دیاركر، ئه‌و یێ شه‌ره‌فمه‌ندبوو دگه‌ل سه‌رۆكێ حكومه‌تا هه‌رێما كوردستانێ مه‌سرور بارزانى و كۆمپانیا ئه‌مریكى ” Honeywell UOP” یه‌كه‌یه‌كا نوو یا بانزینێ ل پالاوگه‌ها لاناز ڤه‌كرى.

كونسۆلێ گشتییێ ئه‌مریكا ل هه‌ولێرێ سه‌باره‌ت یه‌كه‌یا نوو یا بانزینا پالاوگه‌ها لاناز ئاماژه‌ ب هندێ دا، پالاوگه‌هـ دشێت 1.7 ملیۆن لیترێن بانزینێ ب كوالیتییه‌كا بلند د رۆژه‌كێدا به‌رهه‌مبینیت و سه‌دان ده‌رفه‌تێن كاریژى به‌رده‌ست بكه‌ت.

كونسۆلێ گشتییێ ئه‌مریكا ل هه‌ولێرێ پالاوگه‌ها لاناز وه‌ك نموونه‌یه‌كا كارێ هه‌ڤپشك دناڤبه‌را ئه‌مریكا و هه‌رێما كوردستانێدا دبینیت و نڤێسییه‌ : ئه‌ڤه‌ باشترین نموونه‌یه كو چه‌وا هه‌ڤپشكى دناڤبه‌را ئه‌مریكا و هه‌رێما كوردستانێدا دێ بیته‌ ئه‌گه‌رێ گوهورین ته‌كنولۆجیا و هاریكارییا پێشخستنا هه‌رێما كوردستانێ كه‌ت.