<h3 style="text-align: justify;"><span style="font-size: 18pt;">بریكارێ وه‌زاره‌تا ساخله‌مییێ ئاشكراكر، پشتى كۆمبوونا جڤاتا وه‌زیران، بریار ل سه‌ر پێكئینانا لژنه‌یه‌كا تایبه‌ت بۆ بابه‌تێ نه‌خۆشخانه‌یێن ئه‌هلى هاتییه دان و دیاركر، ژبه‌ر نه‌بوونا مه‌رجێن پێدڤى فه‌رمانا داخستنێ بۆ 15 نه‌خۆشخانه‌یان ده‌ركه‌ڤتییه.</span></h3> <h3 style="text-align: justify;"><span style="font-size: 18pt;">د. ره‌هێل فه‌ره‌یدون بریكارێ وه‌زاره‌تا ساخله‌مییێ بۆ ئاژانسا خانى راگه‌هاند، لژنه‌یه‌كا به‌رفره‌هـ بۆ رێكخستنا نه‌خۆشخانه‌یێن ئه‌هلى هاتییه پێكئینان و نوونه‌رێ لایه‌نێن په‌یوه‌دیدار دناڤدایه، كار ل سه‌ر رێژه و بهایان هاتییه كرن، و كار لسه‌ر هندێ ژى هاتییه كرن كو هه‌ر نه‌خۆشخانه‌یه‌كا ئه‌هلى میلاكێ خوه یێ تایبه‌ت هه‌بیت، و ئه‌وان دڤێت ئه‌ڤى پرۆژه‌ى تمام بكه‌ن.</span></h3> <h3 style="text-align: justify;"><span style="font-size: 18pt;">بریكارێ وه‌زاره‌تا ساخله‌مییێ گوت ژى : لژنه‌یا ده‌ستنیشانكرى كار بۆ هندێ دكه‌ت كو نه‌خۆشخانه‌یێن ئه‌هلى دهه‌موو بواراندا رێكبێخن و ل دووڤ مه‌رجێن حكومه‌تێ كار بكه‌ن، و ئه‌و جۆداهییا كو دبها و كوالیتییێدا ل نه‌خۆشخانه‌یێن ئه‌هلى هه‌ى ناهێلن.</span></h3> <h3 style="text-align: justify;"><span style="font-size: 18pt;">هه‌روه‌سا د. ره‌هێل فه‌ره‌یدون ئاشكراكر، هه‌تا نوكه 10 نه‌خۆشخانه‌یێن ئه‌هلى ل هه‌رێما كوردستانێ ژبه‌ر نه‌بوونا مه‌رجێن پێدڤى فه‌رمانا داخستنا وان هاتییه دان، ژبه‌ركو پێدڤییه هه‌موو نه‌خۆشخانه‌یێن كه‌رتێ تایبه‌ت ل دووڤ مه‌رجێن حكومه‌تێ كار بكه‌ن و به‌رۆڤاژى وێ چه‌ندێ دێ لێكۆلین دگه‌لدا هێته‌كرن.</span></h3>
