كۆنسۆلخانا گشتییا ئه‌مریكا ئه‌ڤرۆ ل هه‌ولێرێ ڕاگه‌هاندنه‌ك لدۆر ره‌وشا شنگال به‌لاڤكر و دیاركر، ململانێ ل شنگالێ كاریگه‌رییه‌كا خراب لسه‌ر كه‌رتێ په‌روه‌ردێ كرییه و پۆلێن خواندنێ ل شنگالێ گه‌له‌ك د به‌رته‌نگن و كه‌رسته و پێدڤییێن خواندنێ نینن ئانكو گرنگیدانا په‌روه‌ردێ ئێكه ژ كارێن گرنگه بۆ وه‌لاتییێن شنگالێ.
كۆنسۆلخانا گشتییا ئه‌مریكا دیاركر، ئاژانسا ویلایه‌تێن ئێكگرتى یێن ئه‌مریكا بۆ گه‌شه‌پێدانا ناڤده‌وله‌تى دگه‌ل سازییا ستێپ بۆ گه‌شه‌پێدان و په‌روه‌ردێ هاڤكارى كرییه بۆ چێكرنا دوو هزار مێزێن خواندنێ ل شنگالێ و نوژه‌نكرنا قوتابخانا ئۆمێد ل شنگالێ.
هه‌روه‌سا كۆنسۆلخانا گشتییا ئه‌مریكا ڕاگه‌هاند، سازییا ستێپ ل نێزیك دێ هه‌ماهه‌نگیێ دگه‌ل فه‌رمانگه‌ها په‌روه‌ردێ كه‌ت بۆ دابه‌شكرنا مێزێن خواندنێ بۆ 31 قوتابخانان ل ده‌ڤه‌را شنگالێ.
