ل رۆژا ئێكشهمبی (٣٠/١٠/٢٠٢٢) ێ” کارگێرییا یانا دھۆک د یاریا ل ھەمبەر یانا ھەولێرێ دا یا خهمسار بوویە” ژبەرکو پلێتێن چوونا دناڤا یاریگەھێ دا گەلەک ژ شیانێن یاریگەھێ پتر فروت بوون .
ئهو ژی گۆتییه: داکو گرژی و ئالۆزی نەھێنە ڤەگۆھاستن بۆ ناڤا یاریگەھێ و یاریگەهـ نەھێتە تێکدان و یانا دھۆکێ نەھێتە سزادان تیمێن پۆلیسان نەچاربوون رێکێ ژ چوونا ھژمارەکا جەماوەری بگرن.
سەرەرایی ھژمارەکا مەزن یا جەماوەری پاراستنا یاریگەھێ ب شێوەکێ گشتی ھاتبوو کرن و ب تنێ گرژیا دەرگەھێ ھژمارە (٧) یێ چوونا ناڤا یاریگەھێ ژ ھژمارەکا جەماوەرێ نە بەرپرسیار دەستپێکرییە و ئەو بوونە ئەگەرێن ھنگافتنا ئەفسەرەکی و ھژمارەکا پۆلیسان.
بۆ رایا گشتی رادگەھینین سەرەرایی ھەر قوربانیدانەکێ و ھەر چ زیانەکا ب گەھیتە پۆلیسان” ئەم دێ بەردەوام د خزمەتا ئارامی و پاراستنا دەستکەفتێن یانا دھۆک و جەماوەرێ وێ یێ راستەقینە دا بین و پێرابوون ژی دێ ھێنە وەرگرتن.
دخوازین ئەم ھەمی پێکڤە خۆ ب بەرپرسیار بزانین ئەرکێ مە پاراستنا یانێ و یاریگەھێیە و ئەرکێ جەماوەری پشتەڤانیکرنا یانێیە.
