ئاژانسا خانی ، تایبەت:
جێگرێ سەرۆکێ لژنا ئاسایش و بەڕەڤانیيێ ل پەرلەمانێ عيراقێ ئاشکرا کر، پڕۆژە قانوونا سەربازيیا ب زۆری سوبه‌هی دێ خواندنا ئێکێ بۆ ھێتە کرن و ئەگەر ھاتە پەسەند کرن دێ ھەرێما کوردستانێ ژی ڤەگریت.
سەگڤان سندی، زێده‌تر بۆ ئاژانسا خانی دیار کر” بڕیارە سوبه‌هی ئێکشەمبی خواندنا ئێکێ بۆ پڕۆژە قانوونا سەربازییا ب زۆری بھێتە کرن و هه‌كه ئەو پڕۆژە قانوونه سەر بگریت و ژلایێ پەرلەمانی ڤە بھێتە پەسەند کرن پشتی دو سالان ل رۆژناما فەرمی دھێتە بەلاڤکرن ئەو پڕۆژە قانوون دێ کەڤیتە د بیاڤێ بجهئینانێ دا، چونکی پێدڤییە ژلایێ دارایی و سەربازی بەرھەڤی بۆ بجهئینانێ بھێتە کرن.
سەگڤان سندی گۆت ژی” ناڤێ پڕۆژەیی خزمەتا ئالایە و ھەموو وەلاتیێن عێراقێ ڤەدگریت ب ھەرێما کوردستانێ ڤە، بدیتنا مە پڕۆژەکێ باشە بۆ قووناغا نوکە یا عیراقێ، چونکی ل ھەیڤا تەباخا سالا بۆری ئه‌ڤ پڕۆژە ھات یە بەرھەڤکرن، گەنجێن ھەژدە سالییێ ب سەرڤە دێ ڤەگریت و مووچێ ھەیڤانە ژی دێ ھێتە مەزاختن ژلایێ حوکمەتا عیراقێ ڤە.
