ئەڤ شەڤە وەزارەتا دەرڤە یا عیراقێ د بەیاننامەیەکێ دا تۆپبارانا سپێدەهیا ئەڤرۆ یا ئیرانێ بۆ سەر ئاخا هەرێما کوردستانێ ئیدانە کر و راگەهاند،”دێ مە بەرسڤ لسەر ئاستێ دبلوماسی یێ بلند هەبیت.”
د بەیاننامێ دا هاتیە: ” ب توندی هێرشا تۆپباران و درونی یێن ئیرانێ بۆ سەر چەند دەڤەرێن هەرێما کوردستانێ ئیدانە دکەین.”
دیارکریە ژی، ئەڤ کارێ ئێک لایەنە و دوژمنکاریە نابیتە ئەگەری بجهئینانا ئارامیێ.
ئاماژە کریە ژی، کو ئەڤ هێرشە پێشێلکارینە بۆ سەر سەروەریا ئاخا عیراقێ و ئاسایشا وەلاتیان، ل دوماهیێ ژی دێ بیتە ئەگەرێ پەقاندن و ئالۆزیێن زێدەتر ل دەڤەرێ.
وەزارەتا دەرڤە یا عیراقێ دەربارەی دەستدرێژیێن ئیرانێ سوز دایە رێکارێن دبلۆماسی لسەر ئاستێ بلند بگریتە بەر.
