<h3 style="text-align: justify;"><span style="font-size: 18pt;">ئهڤرۆ 14ى چریا دووێ یا 2022ێ سهرۆكێ ههرێما كوردستانێ پشكدارى د رێورهسمێن راگههاندنا ئهنستیتیوتا داهێنان و نووگهرییا كوردستانێدا كر كو ب ئامادهبوونا مهسرور بارزانى سهرۆكوهزیرێن ههرێما كوردستانێ و هژمارهكا بهرپرس و مێڤانێن نافخۆیى و بیانى برێڤهچوو، و تێدا سهرۆكێ ههرێمێ گوتارهك پێشكێشكر و پیرۆزباهییا سالیادا دامهزراندنا باژێرێ سلێمانییێ كر، و بهحسا پهیمانگهها داهێنان و نووگهرییێ و هێرشێن ئیرانێ بۆ سهر ههرێما كوردستانێ كر.</span></h3> <h3 style="text-align: justify;"><span style="font-size: 18pt;">لدهستپێكێ سهرۆكێ ههرێما كوردستانێ نێچیرڤان بارزانى پیرۆزباهییا خهلكێ باژێرێ سلێمانییێ ب ههلكهڤتا 238 سالییا دامهزراندنا باژێرى كر، و هیڤی خواستن ئهو ئاریشهیێن ههین ب رێكا دیالۆگ و لێكتێگههشتنێ بهێنه چارهسهركرن، و رێكا دیالۆگێ د وهلاتیدا ببیته پیشه و لسهر دبهردهوامبن.</span></h3> <h3 style="text-align: justify;"><span style="font-size: 18pt;">و ل دۆر هێرشێن ئهڤرۆ یێن ئیرانێ بۆ سهر قهزایا كویه سهرۆكێ ههرێمێ ئاشكراكر، ب مخابنیڤه ئهڤرۆ سپێدێ ب درۆن و مووشهكان هێرشى كویه و هندهك دهڤهرێن دى یێن سنۆرێ ههرێما كوردستانێ هاته كرن، ههرێما كوردستانێ دووپات دكهت كو وێ دڤێت فاكتهرێ سهقامگێرییێ ل دهڤهرێ بیت، و حهزدكهت پهیوهندییێن باش دگهل ههموو جیرانان ژ وانا ئیرانێ ههبیت، و زێدهتر گوت : ئهوا دشیانێن واندا یا هاتییه كرن، و دێ دبهردهوامبن، نابیت ههرێما كوردستانێ ببیته ژێدهرێ گهفان بۆ وهلاتێن جیران، لێ چ بهانه نینن كوردستان بهێته مووشهكبارانكرن، و دخوازن سنۆرهك بۆ ئهڤان جووره هێرشان بهێته دانان، ههروهسا دیاركر، ئهڤ هێرشه پشكهك ژ پێشلكارییێن سهروهرییا عیراقێ نه، و دڤێت عیراق سنۆرهكى بۆ ئهڤان پێشلكارییێن ل سهر ئهردێ وێ دهێنه كرن بدانیت.</span></h3> <h3 style="text-align: justify;"><span style="font-size: 18pt;">ژلایهكێ دیڤه سهرۆكێ ههرێما كوردستانێ نێچیرڤان بارزانى ل دۆر راگههاندنا پهیمانگهها داهێنان و نوگهرییا كوردستانێدا دیاركر، ئهو گهلهك یێ كهیفخۆشه پشكدار د ئهڤان رێورهسماندا كرى، كو دامهزراوهیهكا گهلهك یا پێدڤییه و بۆ ههرێما كوردستانێ ژى گهلهك یا گرنگه، ههروهسا گوت: گهنج و داهێنهرێن كوردستانێ ژ یێن چ وهلاتان كێمتر نینن، خۆدان شیان و بههره و ئیراده و خهونێن مهزنن، و یێ پشتراسته ئهگهر پشتهڤانی و هاریكارییێن پێدڤی بۆ بهێنهكرن، بێ گومان دێ شێن وهكو خهلكێ دى خوه سهلمینن.</span></h3>
