ئالان حەمە سەعید، وەزیرێ پەروەردێ یێ حکومەتا هەرێما کوردستانێ راگەهاند، ئەڤ شەڤە، دوو شەمبی 14-11-2022 لسەر ڕاسپاردە و پشتەڤانیا سەرۆکێ حکومەتا هەرێما کوردستانێ مەسرور بارزانی،”من سەرەدانا قەزا کۆیە کر” و ب ئامادەبوونا رێڤەبەرێ پەروەردا کویە و سەرۆکێ باژێرڤانییا کویە و سەرپەرشتیارێ ئێکێ، مە کۆمبوونەک بۆ شرۆڤە و بڕیاردان دەربارەی ناڤەندێن خواندنێ بۆ چارەسەرکرنا دەرئەنجامێن تۆپبارانێن پشکەکا وی سنووری ئەنجامدا.
د کۆمبوونێ دا چەندین بڕیارێن پێدڤی دەربارەی وێ پرسێ هاتنە دان، ژ وان بڕیاران:
1- بەردەوامبوونا راوستاندنا خواندنێ ل چەند قوتابخانەیان کو پێشتر مە دەوام تێدا راوستاندبوو و بۆ وان قۆتابخانان هندەک جهێن دی دەستنیشانکربوون.
2- بڕیار هاتە دان سوبەهی تیما ئەندازیاری یا ڕێڤەبەرییا گشتی یا پەروەردا هەولێرێ سەرەدانا قەزا کویە بکەن و مە رازەمەندی دا لسەر بودجا وەزارەتێ بلەز قۆتابخانەیەکا ب شێوازێ کابینەیان بۆ ڤێ رەوشا نە خواستی بهێتە دروستکرن.
3-هەماهەنگی دگەل سەرۆکێ دەستەیا وەبەرهێنانێ هاتە کرن ژ بۆ هندێ قۆتابخانەیەک ل قەزا کویە بهێتە دروستکرن.
4-مە رێڤەبەرێ گشتییێ پەروەردا هەولێرێ ڕاسپارد، سوبەهی میکانزمەکێ بجهــ بین ژ بۆ هندێ دگەل پەروەردا کۆیە تیمەک ژ ڕێنمایکارێن پەروەردەی سەرەدانا وان قۆتابخانان بکەن و کارێ پێدڤی ئەنجامبدەن بۆ باشترکرنا لایەنێ دەرونی یێ قۆتابی و خواندەڤانێن کو کارتێکرنا هێرشێن مووشەکی لسەر.
5- مە بڕیار دا ب مەزاختنا کوژمێ 50،000،000 پێنجی ملیۆن دیناران بۆ پشتەڤانییا کارێن پەروەردەی یێن کۆیە ژ دروستکرنا پۆلێن خواندنێ یێن زێدە ب مەرەما کێمکرنا فشاران ژ ئەگەرێ دائێخستنا زێدەتر ژ پێنج ناڤەندێن خواندنێ.
6- بڕیار لسەر مەزاختنا زێدەتری 71،000،000 حەفتێ و ئێک ملیۆن دیناران بۆ نۆیژەنکرنا ئامادەییا کۆیە و ئامادەییا تەقتەق هاتە دان.
