د.بلند بەیار، رێڤەبەرێ كلینكێن نەخۆشیا شەكرێ ل ساخلەمییا پارێزگەها دهۆكێ ڕاگه‌هاند، ل پارێزگەها دهۆكێ 32 هزار كەس تووشى نەخۆشیا شەكرێ بووینە و ل جیهانێ نێزیكێ 400 ملیۆن كەسان تووشى نەخۆشیا شەكرێ بووینە، هه‌روه‌سا هەر دەهـ گەنجان ئێك هەلگرێ نەخۆشیا شەكرێ یە و پێشبینى دهێتەكرن سالا 2030ێ هەر 9 كەسان ئێك هەلگرێ نەخۆشیا شەكرێ بیت.
د.بلند بەیار گۆت: خارنا نەساخلەم و قەلەوى و نە ئەنجامدانا وەرزشی و چەندین ئەگەرێن دى هەنە بنە ئەگەری پەیدابوونا نەخۆشیا شەكرێ و رێژا تووشبوونێ رۆژانه بەرەڤ زێدەبوونێیە، هه‌روه‌سا 50% ژ وەلاتییان هەلگرێ نەخۆشیا شەكرێ نە بێ هەست پێ بكەن.
د.بلند بەیار دیاركر، ل پارێزگه‌ها دهۆكێ 32 هزار كەس تووشى نەخۆشیا شەكری بووینە ژوانا ژی 25 هزار كەس ئاكنجییێن دهۆكێ نە و حەفت هزار ئاوارە و پەنابەرن بووینە.
