مهسرور بارزانى سهرۆكێ حكومهتا ههرێما كوردستانێ سهبارهت بجهئینانا رێككهڤتنا ئهڤێ جارێ یا دناڤبهرا ههولێر و بهغدا دا دیاركر، كارهكێ ژیرانه نینه گومانان ژ نیازا حكومهتا نوو یا عیراقێ ببهن.
مهسرور بارزانى ژ چارچووڤێ پانێلێ ( پاشهرۆژا عیراقێ ) ل رۆژا سێیێ یا كوربهندێ ئاشتى و ئاسایشا رۆژههلاتا ناڤهراست ل زانكۆیا ئهمریكى كوردستان ل دهۆكێ دیاركر، دنوكهدا ئهو باوهرناكهت كارهكێ ژیرانهبیت، گومانان ژ نیازێن حكومهتا عیراقێ ببهن، و گوت: دڤێت دهم ب حكومهتا نوو یا عیراقێ بهێتهدان و گومان ژێ نههێنهبرن.
ل دۆر حكومهتا نوو یا عیراقێ و رێككهڤتنا دگهل ههرێما كوردستانێ مهسرور بارزانى راگههاند، یا درووست نینه نوكه تشتهكێ خراب لسهر حكومهتێ بێژیت، پێدڤییه وان گهلهك باوهرى ب هندێ ههبیت، كو پهیوهندییێن دناڤبهرا ههولێر و بهغدا دا بهرهڤ پێش بچن و حكومهتا فیدرالى رێزێ ل ئهوێ رێككهڤتنێ بگریت.
