پارێزگارێ سلێمانییێ په‌یامه‌كا سه‌ره‌خۆشییێ بۆ قوربانییێن روودانا په‌قینا غازێ یا دهۆكێ به‌لاڤكر

پارێزگارێ سلێمانییێ دپه‌یامه‌كێدا هه‌ڤخه‌مییا خوه‌ بۆ قوربانییێن روودانا په‌قینا غازێ یا دهۆكێ ده‌ربرى و به‌رهه‌ڤییا پارێزگه‌ها خوه‌ بۆ هه‌ر هاریكارییه‌كێ دیاركر.

پارێزگارێ سلێمانییێ هه‌ڤال ئه‌بوبه‌كرى دیاركر، ئه‌و ب ناڤێ پارێزگه‌ها سلێمانییێ هه‌ڤخه‌مییا خوه‌ بۆ كاره‌ساتا باژێرێ دهۆكا خۆشتڤى ده‌ردبرن، و به‌هییا گشتى ل سنۆرێ پارێزگه‌ها خوه‌ رادگه‌هینن، و سه‌ره‌خۆشییێن خوه‌ بۆ قوربانییان ده‌ردبرن و هیڤییێن چاكبوونا بله‌ز بۆ برینداران دكه‌ن.

پارێزگارێ سلێمانییێ ئه‌وژى دیاركر، ئه‌و به‌رهه‌ڤییا پارێزگه‌ها خوه‌ بۆ هه‌ر ئه‌ركه‌كى ده‌ردبرن و دێ پشته‌ڤانێن پارێزگار و هه‌موو داموده‌زگه‌هێن دهۆكێ بن.