جڤاتا وه‌زیران هێرش و بۆردومانكرنێن ل سەر هەرێما کوردستانێ ئیدانه‌ كرن

ب سەرپەرشتییا مەسرور بارزانی سەرۆکوەزیرێن هه‌رێما كوردستانێ، ئەڤرۆ جڤاتا وەزیرێن هەرێما کوردستانێ کۆمبوویە، تێدا دوپاتكرییه، ب چ شێوان رێك نەهاتییه دان‌ ئاسایشا وه‌لاتێن جیران ب رێیا هەرێمێ بهێته‌ تێکدان.

جڤاتا وه‌زیران دیار كرییه‌: گوتۆبێژ دەربارەیی پێشێلکاری یێن بەردەوام یێن سەروەرییا عێراقێ و ھەرێما کوردستانێ هاتینه‌ کرن و دیسان ب توندترین شێوە، ئیدانا هێرش و بۆردومانکرنێن ل سەر هەرێما کوردستانێ دكه‌ت و داخوازێ ژ وه‌لاتێن جیران دكه‌ت رێزێ ل سەروەرییا ئاخا هەرێما کوردستانێ و عێراقێ بگرن.

داخواز ژ‌ حکومەتا فیدراڵی و نەتەوێن ئێکگرتی و جڤاكێ نێڤدەوڵەتی كر، “هەڵویسته‌كێ جددی هەبیت و سنووره‌كێ بۆ ڤان پێشێلکاری و هێرشان دانن و ئێدی رێكێ نەدەن سەروەرییا هەرێمێ و عێراقێ بهێته‌ پێشێل كرن.