ئەردۆغــان: ئه‌م ژ بریارا دروستکرنا ده‌ڤه‌را ئارام لێڤه‌ نابین

سەرۆککۆمارێ تورکیا گۆت، ئه‌م ژ بڕیارا دروستکرنا ده‌ڤه‌را ئارام ب كووراتییا 30 کیلۆمەتران ل رۆژئاڤایێ کوردستانێ و ئه‌و ده‌ڤه‌رێن ل ژێر دەستهه‌لاتا هەسەدێ لێڤه‌ نابین. 

ئه‌ڤرۆ شه‌مبییێ 3/12/ 2022 ێ” ره‌جه‌ب ته‌ییب ئه‌ردۆغانی” سەرۆککۆمارێ تورکیا ل باکۆرێ کوردستانێ گۆتارەک پێشکێش کر و گۆت: ئه‌م ژ بریارا دروستکرنا ده‌ڤه‌را ئارام لێڤه‌ نابین

ئه‌ڤرۆ سەرۆککۆمارێ تورکیا چوویه‌ باژێڕێ روهایێ ل باکۆرێ کوردستانێ و د گۆتارەکێ دا گۆت: ئەو ژ بریارا خۆ یا دروستکرنا دەڤەرا ئارام ل باکۆرێ سووریێ لێڤە نابن و دەڤەرا ئارام دێ ب کووراتیا 30 کیلۆمه‌تران دروست كه‌ن و سەرۆککۆمارێ تورکیا چەند جاران گه‌فێن ئەنجامدانا ئۆپەراسیۆنێن زەمینی بۆ سەر ته‌لرەفعەت، منبج و کۆبانێ کرینه‌.