نەهەمین فلمەفەستیڤالا دهۆکێ ل رۆژا پێنجشەمبی ١/١٢/٢٠٢٢ ل سەنتەرێ کۆنفرانسان ل زانکۆیا دهۆکێ دەستپێکرییە و هه‌تا رۆژا پێنجشەمبی، ٨/١٢/٢٠٢٢ دێ یا بەردەوام بیت.
د وێ فەستیڤالێ دا ٩٨ فلم ژ ٣٠ وەلاتان پشکدارن، کو ٤٧ ژ وان کوردینە و ٥١ ژی بیانینە” ئەڤ فلمە ل سەر سێ جۆران هاتینە دابەشکرن، ئەو ژی فلمێن درێژ، فلمێن کورت و دوکیۆمێنتاری” مژارا سەرەکی یا نەهەمین فلمەفەستیڤالا دهۆکێ ژی( کۆچبەری) یە” رێڤەبەریا گشتی یا رەوشەنبیری و هۆنەری ل پارێزگەها دهۆکێ، هەمی قوتابیێن زانکۆیا دهۆک داخوازکرینە کو بێ بەرامبەر ئامادەبن وەکو تەماشاڤانێن ڤان فلمان بن.
سینەما، وەکو ژدایکبوویا باژێریبوون و شارستانیەتێ دهێتە هژمارتن. ئەڤ هۆنەرێ پایەبلند وان چیرۆکێ هاتینە بێدەنگکرن، وان چیرۆکێن راستی یێن تەپەسەرکری، یێن وەکو هێلەکا هەڤتەریب دگەل ژیانێ ب دەنگ و رەنگ و لڤین و گیان دئێخیت و وان راستیان ل دەف وەرگری ساخ دکەت، لەوما وەرگر خۆ د ناڤ هوورکاریێن وان چیرۆکان دا دبینیت.
