بەرەڤان حەمدی، بریكارێ وەزارەتا كاروبارێن شەهیدان و ئەنفالكرییان بۆ دەزگەهێن راگەهاندنێ دیاركر، حكومەتێ پلان هەیە ل شوینا دابەشكرنا پارچێن ئەردی، یەكەییێن ئاكنجیبوونێ بۆ كەسوكارێن شەهیدان و ئەنفالكرییان و زیندانییێن سیاسی درۆستبكەت، لێ هێشتا بریارا ئێكلاكەر نەهاتییەدان.
ل دویڤ زانیارییان، دوهی رۆژا دووشەمبی ل سەر وێ پرسێ وەزیرێ كاروبارێن شەهیدان و ئەنفالكرییان لگەل وەزیرێن داد، چاندن و ژێدەرێن ئاڤێ، سەرۆكێ دەستەیا وەبەرهێنانێ و نوونەرێ وەزیرێ باژێرڤانی و گەشتوگۆزار ل وەزارەتا داد كۆمبوون.
