نڤیسینگەها سەرۆکوەزیرێن عیراقێ راگەهاند، ئێڤاریا ئەڤرۆ دوو شەمبی، سەرۆکوەزیرێن عیراقێ، محمەد شیاع سوودانی، پێشوازی ل ئەندامێن جڤاتا نوینەران ژ فڕاکسیونا پارتی دیموکراتی کوردستان ل پەرلەمانێ عیراقێ کر.

د چوارچوڤێ دیدارێ خۆ دا پێداچوون د ڕەوشا سیاسی و جڤاکی و ئابووری لسەر ئاستێ نشتیمانی و گرنگترتین ئاستەنگێن ل بەرامبەر چاکسازیێ و پلانێن گەشەپێدانێ کرن.

 

سەرۆک وەزیرێن عیراقێ دگەل ل ئەندامێن فراکسیونێ پارتی دوپاتی لسەر گرنگییا پەسەندکرنا دەستووری وەک ئاماژەیەکا بنچینەی بۆ چارەسەرکرنا گشت ئاریشەیێن هەلاویستی یان ئەوان گرفتێن بەرهەنگاری کارێن هەڤپشک یێن دناڤبەرا حکومەتا فیدڕال و حکومەتا هەرێما کوردستانێ و عیراقێ دا دبن کر.

سەرۆکوەزیرێن عیراقێ داخوازا موکمکرنا بزاڤان کر بۆ ئێکخستنا کارێ پەرلەمانی د چاڤدێری و یاسا دانانێ دگەل بزاڤێن حکومەتێ بۆ پشتی چاکسازیێ و بلندکرنا ئاستێ خزمەتگوزارییان، ب مەرەما گەهشتن ب داخوازیێن وەلاتییان لسەرانسەری وەلاتی.

 هەروەسا دوپاتی لسەر پێدڤییا کارکرنێ بۆ بهێزکرنا بەرەیێ ناڤخۆ و دەستەبەرکرنا پاراستنێ بۆ هەمی پێکهاتێن و چینێن برایێن گەلێ عیراقێ، ب ئاراستێ چەسپاندنا پێکڤە ژیان و ئاشتییا مەدەنی بەردەوام کریە.