<h3 style="text-align: justify;"><span style="font-size: 18pt;">سه‌رۆكێ حكومه‌تا هه‌رێما كوردستانێ پێشوازى ل شانده‌كێ ئه‌لمانیا كر و ره‌وشا ده‌ڤه‌رێ و پێشڤه‌برنا په‌یوه‌ندییان دگه‌لدا گوتوبێژكر.</span></h3> <h3 style="text-align: justify;"><span style="font-size: 18pt;">ئه‌ڤرۆ حه‌فتى كانوونا ئێكێ یا 2022ێ، مه‌سرور بارزانى سه‌رۆكێ حكومه‌تا هه‌رێما كوردستانێ پێشوازى ل شانده‌كێ ئه‌لمانى كر، كو ژ توبیاس تۆنكل رێڤه‌به‌رێ به‌شێ رۆژهه‌لاتا ناڤه‌راست و باكوورێ ئه‌فریكا ل وه‌زاره‌تا ده‌رڤه یا ئه‌لمانیا، مارتن یێگه‌ر بالیۆزێ ئه‌لمانیا ل عیراقێ و كلاوس شترایشه‌ر كونسۆلێ گشتییێ ئه‌لمانیا ل هه‌رێما كوردستانێ پێكهاتبوو.</span></h3> <h3 style="text-align: justify;"><span style="font-size: 18pt;">دكۆمبوونا واندا دانوستاندن ده‌رباره‌ى ره‌وشا گشتییا عیراقێ و ده‌ڤه‌رێ و پێشڤه‌برنا په‌یوه‌ندییێن هه‌رێما كوردستانێ و ئه‌لمانیا هاته كرن.</span></h3> <h3 style="text-align: justify;"><span style="font-size: 18pt;">هه‌روه‌سا ته‌وه‌ره‌كێ كۆمبوونێ یێ تایبه‌ت بوو ب گرنگیدانا بجهئینانا رێككه‌ڤتنا شنگالێ و ده‌ركه‌ڤتنا میلیشییا و هێزێن چه‌كدار یێن نه‌یاسایى و زه‌مینه‌سازكرن بۆ ئاسایكرنا ره‌وشا ئه‌وێ ده‌ڤه‌رێ و ڤه‌گه‌راندنا ئاواره‌یان بۆ جهێن وان.</span></h3>
