پەرلەمانتارەکێ پارتی ئاشکراکر، رێکەفتنا ھەرێم و بەغدا لدۆر پڕۆژە قانوونا بودجەی نێزیکە و دبێژیت، بەری سالا نوو شاندێ ھەرێم و بەغدا دێ بگەھنە رێکەفتنێ، بەلێ پەسەندکرنا بودجەی دێ کەڤیتە پشتی بھێنڤەدانا پەرلەمانێ عێراقێ.
دکتۆر خالد رێکانی، پەرلەمانتارێ فڕاکسیۆنا پارتی بۆ ئاژانسا خانی دیارکر” شاندێ دانوستانکارێ ھەرێما کوردستانێ بۆ تەمام کرنا دانوستانێن بۆری ل بەغدایە و بڕیارە ھەردو حوکمەت لدۆر چەندین پرسان بگەنە رێکەفتنێ، بتایبەتی دێ رێکەفتن لدۆر پشکا ھەرێما کوردستانێ بھێتەکرن دناڤا پڕۆژە قانوونا بودجێ گشتیێ عێراقێ، ئەز یێ گەشبینم دێ نێزیک رێکەفتن ھێتەکرن.
