سەرۆك مەسعود بارزانی ب هه‌لكه‌فتا 70سالیا دامه‌زراندنا ئێكه‌تیا ئافره‌تێن كوردستانێ په‌یامه‌ك راگه‌هاند، وتێدا دوپاتكر كو ئێكه‌تیا ئافره‌تێن كوردستانێ ئێكه ژ ده‌سكه‌فتێن هه‌ره گرنگێن شۆره‌شا ئه‌یلولێ.
ئه‌ڤرۆ سه‌رۆك بارزانى ب هه‌لكه‌فتا 70 سالیا دامه‌زراندنا ئێكه‌تیا ئافره‌تان په‌یامه‌ك به‌لاڤكر وسه‌ره‌تا پیروزباهی ل سكرتێر و ئه‌ندامێن مه‌كته‌با سكرتایه‌تیا ئێكه‌تیا ئافراتێن كوردستانێ كر ب هه‌لكه‌فتا 70ى سالیا دامه‌زراندنا ئێكه‌تیا ئافره‌تان و سه‌رجه‌م ئافره‌تێن كوردستانێ كر.
سه‌رۆك بارزانى ئاماژه ب هندێ ژى كر، ئێكه‌تیا ئافره‌تێن كوردستانێ ئێكه ژ ده‌ستكه‌فتێن هه‌ره گرنگێن شۆره‌شا مه‌زنا ئه‌یلولێ و ئامرازه‌كێ گرنگ و كاریگه‌ره بۆ پێگه‌هاند و هشیاركرنا ئافره‌تێن كوردستانێ و به‌رفره‌هكرنا پشكداریا وان د ژیانا سیاسى و خه‌باتا گه‌لێ كوردستانێدا، ودوپاتكریه دڤێ رێكێدا ئێكه‌تیا ئافره‌تان ماندیبوون و قوربانیێن زور ژى داینه.
سه‌رۆك بارزانى ئاماژه ب وێ چه‌ندێ ژى كر، د ڤێ قوناغێ دا ئه‌ركێ ئافره‌تان ژ لایێ نیشتیمانى و پێگه‌هاندنا ئافره‌تان و به‌ره‌ڤانیكرن ژ مافێن مه‌ده‌نى و سیاسى یێن ئافره‌تا زۆر یێ گرنگه، و هیڤیخواست كو د داهاتیدا به‌رده‌وامبن لسه‌ر رۆلێ خۆ یێ كاریكه‌ر و پێشه‌نگ ژ بۆ پێشڤه‌برنا دۆزا ره‌وایا گه‌لێ كورد و به‌رگریكرن ژ ماف و داخوازیێن ئافره‌تان، و داخوازا سه‌ركه‌فتنێ بۆ خواست.
