مه‌سرور بارزانى سه‌رۆكێ حكومه‌تا هه‌رێما كوردستانێ په‌یامه‌ك ب هه‌لكه‌فتا 70 سالییا دامه‌زراندنا ئێكه‌تییا ئافره‌تێن كوردستانێ به‌لاڤكر و راگه‌هاند، ئێكه‌تییا ئافره‌تان رۆله‌كێ دیار و پیشه‌نگ د پێگه‌هاندنا چه‌ندین ئافره‌تێن سه‌ركرده‌دا هه‌بوو.
دپه‌یاما مه‌سرور بارزانیدا هاتییه، ئێكه‌تییا ئافره‌تێن كوردستانێ مێژوویه‌كا پرى سه‌روه‌رى ل قووناغێن جوودا یێن خه‌باتا رزگاریخوازا گه‌لێ كوردستانێ و ب تایبه‌تى ل به‌ره‌ڤانیكرنێ ژ مافێن ره‌وا یێن ئافره‌تێن كوردستانێ و ئازادى و یه‌كسانییێدا هه‌بو، و رۆله‌كێ دیار و پیشه‌نگ دپێگه‌هاندنا چه‌ندین ئافره‌تێن سه‌ركرده‌دا هه‌بوو.
دبه‌شه‌كێ دییێ په‌یاما خوه دا مه‌سرور بارزانى نڤێسییه: دڤێ بیره‌وه‌رییێ دا ب رێز و پێزانینڤه خه‌بات و تێكوشه‌رییا بێ سنۆر یا ئێكه‌تییا ئافره‌تێن كوردستانێ بلند دنرخینن، و پشته‌ڤانییا خوه بۆ خه‌بات و كار و چالاكییان و داكوكیكرنێ ل مافێن ئافره‌تان دووپات دكه‌ن.
