ئەنجامێن وەرگرتنا قوتابییان ل زانکۆ و پەیمانگەهێن تایبەت هاتنە ڕاگەهاندن

مالپەرێ وەزارەتا خواندنا بلند ڕاگەهاندیە ، وەزارەتا خواندنا بلند و ڤەکۆلینێن زانستی ئەنجامێ وەرگرتنا دەرچوویێن قوناغا 12 ئامادەی ل زانکۆ و پەیمانگەهێن تایبەت یێن هەرێما کوردستانێ ڕادگەهینیت و ژ نوکە پێشکێشکار دشێن ب ڕێکا ڤی لینکی (mhe-privatestudy.com) ئەنجامێن خۆ وەربگرن.

ئاماژە کریە ژی، ڕاگەهاندنا ئەنجامێ وەرگرتنا قوتابییان/ خواندەڤانان ل زانکۆ و پەیمانگەهێن تایبەت یێن هەرێما کوردستانێ هەڤدەمە دگەل بڕیارا وەزارەتا خواندنا بلند و ڤەکۆلینێن زانستی یێن تایبەت ب کێمکرنا کرێیا خواندنێ ل زانکۆ و پەیمانگەهێن هەرێما کوردستانێ ب ڕێژا (10 بۆ 25%)، ئەڤەژی ژ پێخەمەت لبەرچاڤ وەرگرتنا ڕەوشا دارایی یا وەلاتییێن هەرێما کوردستانێ.

وەزارەتا خواندنا بلند دیارکریە، پێشکێشکارێن زانکۆ و پەیمانگەهێن تایبەت ل هەرێما کوردستانێ هەر ژ نوکە دشێن ب ڕێکا لینکێ (mhe-privatestudy.com) ئەنجامێن وەرگرتنێ ل زانکۆ و پەیمانگەهان ب کودێ ئەزمونێن خۆ وەربگرن، گوتیە ژی:” پێدڤییە کەسێن وەرگرتی د دەمێ سێ ڕۆژان دا پەیوەندییێ ب پشکێن خۆ بکەن، ئەگەر نە بەروڤاژی وان مافێ وەرگرتنێ ل وان پشکان نامینیت.”