سۆپاسالارێ عیراقێ ژبۆ ئەنجامدانا ڤەكۆلینان ل دۆر كریارا تیرۆرستی یا دوهی یا سنۆرێ گۆندێ سەفرە گەهشتە كەركووكێ.
ئەڤرۆ رۆژا دووشەمبی عەبدولئەمیر رەشید، سۆپاسالارێ عیراقێ و قەیس خەلەف محەمەداوی، جێگرێ بەرپرسێ ئۆپەراسیۆنێن هەڤپشك یێن عیراقێ گەهشتنە پارێزگەها كەركووكێ ژبۆ ئەنجامدانا ڤەكۆلینان ل كریارا تیرۆرستی یا دوهی ل گۆندێ سەفرە یێ سنۆرێ وێ پارێزگەهێ.
ل دویڤ زانیارییێن میدیایێن عیراقێ، سەرەدانا سۆپاسالار و جێگرێ بەرپرسێ ئۆپەراسۆنێن هەڤپشك یێن عیراقێ ل سەر داخوازا محەمەد شیاع سوودانی، سەرۆكوەزیرێن عیراقێ بوویە.
