ل مۆندیالا قه‌ته‌ر چه‌ند گه‌شتێن ئاسمانی هاتینه‌ ئه‌نجــــامـــــدان

ده‌ستهه‌لاتا فرۆكه‌ڤانیا قه‌ته‌ر د راگه‌هاندنه‌كێ دا ئاماژه‌ ب وێ یه‌كێ كریه‌ كو د موندیالا ئه‌ڤ ساله‌دا ل هه‌ردو فرۆكخانێن دوحه‌ 26 هزار و 425 گه‌شتێن ئاسمانی هاتینه‌ ئه‌نجامدان.

دوحه‌ د ماوێ برێڤه‌چوونا جاما جیهانی دا پێشوازیا زێده‌تر ژ یه‌ك ملیۆن و 400 هزار سه‌ره‌دانكه‌ران كریه‌ و ژمارا ئه‌و حه‌ژێكه‌رێن ته‌پا پێی ئه‌وێن ل ستادیومێن قه‌ته‌ر ته‌ماشه‌ی یاریان كرين گه‌هشییه‌ سێ ملیۆن و 400 هزار كه‌سان كو تێكرایێ به‌رهه‌ڤبوونا هانده‌ران د هه‌ر یاریه‌كێ دا ژ 53 هزار هانده‌ران ده‌رباز بوويه.