په‌رله‌مانتاره‌ك: سەرۆکێن لژنێن پەرلەمانێ عیراقێ دێ ھێنە دیارکرن

ئاژانسا خانی ، تایبەت:

بڕیارە پشتی سەرێ سالێ سەرۆکێن لژنێن پەرلەمانێ عێراقێ بھێنە ئێکلا کرن و پەرلەمانتارەکا پارتی ژی ئاشکرا کر، لدووڤ ھژمارا کۆرسییان پارتی دێ سەرۆکاتییا سێ لژنان كه‌ت.

یادگار مەحموود، پەرلەمانتارا فڕاکسیۆنا پارتی بۆ ئاژانسا خانی دیار کر” بڕیارە پشتی سەرێ سالێ سەرۆکێن لژنێن ناڤا پەرلەمانێ عێراقێ بھێنە دیارکرن و رێڤەبرنا لژنێن پەرلەمانی ھەتا نوکە دەمکی بوویە و دێ سەرۆک بۆ ھەموو لژنان ھێنە جھگیر کرن، بەری دەستپێکرنا بھێنڤەدانا پەرلەمانی کۆمبوون دۆر بابەتێ دیارکرنا سەرۆکێ لژنێن پەرلەمانی ھاتییه‌ کرن.

ناڤهاتییێ گۆت ژی” لدووڤ ھژمارا کۆرسیێن پەرلەمانی پارتی دێ سەرۆکاتییا سێ لژنێن پەرلەمانی وەرگریت و ئێک ژ وان لژنێن پارتی سەرۆکاتییا وێ دکەت پێدڤییە لژنەکا سیادی بیت، پشتی دەستپێکرنا کۆمبوونێن پەرلەمانی دێ سەرۆکێن لژنا ھێنە ئێکلا کرن.