سكرتێرا لقا دهۆكێ یا سهندیكا رۆژنامهڤانێن كوردستانێ راگههاند، ئهو دگهل هندێ نه كو دڤێت ههموو رۆژنامهڤان و دهزگههێن راگههاندنێ پێگیرییێ ب ئهتهكێتێن رۆژنامهڤانییێ و رێنمایێن حكومهتا ههرێما كوردستانێ بكهن، و دهزگههێن راگههاندنێ یێن پارێزگهها دهۆكێ پێگیرییهكا باش ب قانوونێن حكومهتێ دكهن.
سكرتێرا لقا دهۆكێ یا سهندیكا رۆژنامهڤانێن كوردستانێ ڤیان عهباس بۆ ئاژانسا خانى دیاركر، ئهو وهكو سهندیكا رۆژنامهڤانان، ههردهم دگهل هندێ نه كو مافێن رۆژنامهڤانان بهێنه پاراستن ژبهركو كارێ وان روومالكرنا روودانایه، رۆژنامهڤان پرا پهیوهندییێ دناڤبهرا دهستههلات و خهلكیدایه، ژبهركو رۆژنامهڤان و دهزگههێن راگههاندنێ بۆ هندێ كار دكهن كو پهیامهكا مرۆڤایهتییێ بگههینن، لێ ئهو دگهل هندێ نه كو دڤێت ههموو رۆژنامهڤان و دهزگههێن راگههاندنێ پێگیرییێ ب ئهكیتیكێن رۆژنامهڤانییێ و رێنمایێن حكومهتا ههرێما كوردستانێ بكهن، ژبهركو كارێ سهرهكییێ راگههاندنێ ئهوه پێگیرییهكا تمام ب ئهوێ قانوونا رۆژنامهڤانى بكهت یا ل كوردستانێ كار پێ دهێتهكرن.
زێدهتر ڤیان عهباسێ گوت: ههماههنگییهكا باش دناڤبهرا وان و دهزگههێن ئێمناهییێ یێن دهۆكێ و كوردستانێدا ههیه، و داخوازێ ژ حكومهتێ و دهزگههێن ئێمناهییێ دكهن بیاڤێن رۆژنامهڤانییێ بهرفرههتر لێ بكهن، داكو ئهوژى بشێن پتر ب ئهركێ خوه رابن.
ئاماژه ب هندێ ژیدا، ئهو دگهل هندێ نه كو دڤێت ههموو دهزگههێن راگههاندنێ پێگیرییێ ب وان قانوونان بكهن یێن ل كوردستانێ كار پێ دهێتهكرن، و ب دیتنا وان دهزگههێن راگههاندنێ یێن پارێزگهها دهۆكێ پێگیرییهكا باش پێ دكهن.
