عیراق دێ بیته‌ خۆدانا پاسپۆرتا نوو یا ئه‌لكترۆنى

وه‌زاره‌تا نافخۆ یا عیراقێ ئاشكراكر ل ڤان نێزیكان دێ ده‌ست ب درووستكرنا پاسپۆرتێن ئه‌لكترۆنى كه‌ن و هه‌موو وه‌لاتى دێ بنه‌ خۆدانێن پاسپۆرتێن ئه‌لكترۆنى ب كوالێتییه‌كا جیهانى.

عه‌مید ماجد عه‌دنان ئه‌حمه‌د رێڤه‌به‌رێ گشتییێ پاسپۆرتان سه‌ر ب وه‌زاره‌تا نافخۆڤه‌ راگه‌هاند، به‌رى ده‌ستپێكرن و درووستكرنا پاسپۆرتێن ئه‌لكترۆنى، پێدڤییه‌ هه‌موو رێكارێن قانوونى دگه‌ل كۆمپانییا جێبجێكار بهێنه‌ تمامكرن.

رێڤه‌به‌رێ گشتییێ پاسپۆرتا عیراقێ ئاماژه‌ ب هندێ ژى دا، نموونه‌یا پاسپۆرتا ئه‌لكترۆنییا نوو گه‌هشتییه‌ عیراقێ و پێدڤییه‌ ره‌زامه‌ندییا پێشوه‌ختا وه‌زاره‌تێن نافخۆ و ده‌رڤه‌ و رێكخراوا فرۆكه‌ڤانییا جیهانى وه‌ربگریت، به‌رى ده‌ست ب درووستكرنا وێ بهێته‌كرن.