<h3 style="text-align: justify;"><span style="font-size: 18pt;">ڤه‌كۆلینه‌كا په‌یمانگه‌ها والته‌ر و ئیلیزا ل باژێرێ مالبۆرن یێ ئوسترالى پرۆتینه‌كێ ب هه‌ڤشێوه‌یێ هورمۆنا ئه‌نسۆلینێ ده‌ستنیشان دكه‌ت، كو دشیێت وه‌رگرێن هورمۆنان چالاكبكه‌ت و تووشبوویێن نه‌خۆشییا شه‌كرێ ب تایبه‌تى شه‌كرا ژ جوورێ ئێك مفاى ژێ وه‌ربگرن.</span></h3> <h3 style="text-align: justify;"><span style="font-size: 18pt;">ڤه‌كۆلین ل كۆڤارا زانستێن سرۆشتى به‌لاڤبوویه و دیاردكه‌ت، دشیاندایه پرۆتین ب شێوه‌یێ حه‌پك ل به‌ر ده‌ست بیت، و تووشبوویێن شه‌كرێ پرۆتینى وه‌كو جێهگرێ ده‌رزییا ئه‌نسۆلینێ بكاربینن.</span></h3> <h3 style="text-align: justify;"><span style="font-size: 18pt;">نیكۆلاس كیرك سه‌رپه‌رشتێ ڤه‌كۆلینێ دبێژیت: پرۆتین ژ 33 زنجیره‌یێن ترشێ ئه‌ماینۆ پێكدهێت، دشێت وه‌رگرێن ئه‌نسۆلینێ دله‌شێ میرۆڤیدا چالاكبكه‌ت و هه‌ڤشێوه‌یێ ئه‌نسۆلینێ شه‌كرێ دناڤ خوینێدا كێمبكه‌ت.</span></h3> <h3 style="text-align: justify;"><span style="font-size: 18pt;">سه‌رپه‌رشتێ ڤه‌كۆلینێ مفایێ حه‌پكێ به‌راورد دگه‌ل ده‌رزییا شه‌كرێ دیار دكه‌ت و دبێژیت: هه‌لگرتنا حه‌پكێ و بكارئینانا وێ ب ساناهیتره، هه‌روه‌سا دێ زێده‌تر ل به‌ر ده‌ست بیت.</span></h3> <h3 style="text-align: justify;"><span style="font-size: 18pt;">پیته‌ر فلای بسپۆرێ بایۆلۆجییێ نوشدارى به‌حسا ئه‌گه‌رێن به‌رده‌ستنه‌بوونا حه‌پكا هورمۆنا ئه‌نسۆلیێ دكه‌ت و دبێژیت: ئه‌نسۆلینێ پێكهاته‌یه‌كێ ئالۆز هه‌یه، ئه‌گه‌ر ب رێكا ده‌ڤى بهێته بكارئینان، دێ كارتێكرنا وێ ژبه‌ر ترشێن گه‌ده‌ى كێمبیت.</span></h3> <h3 style="text-align: justify;"><span style="font-size: 18pt;">ڤه‌كۆله‌رێن په‌یمانگه‌هێ به‌لاڤكرییه، دێ ڤه‌كۆلینا خوه پێشئێخن و دێ بزاڤێ كه‌ن د تاقیكرنا بهێتدا ئه‌وێ حه‌پكێ ل سه‌ر رێژه‌یه‌كا مه‌زن یا تووشبوویێن شه‌كرێ تاقیبكه‌ن.</span></h3> <h3 style="text-align: justify;"><span style="font-size: 18pt;">ل دووڤ زانیارییێن مایۆكلینیكا نوشدارى، شه‌كرا جوورێ ئێكێ ژ ئه‌نجامێ كێمى یان نه‌بوونا هورمۆنێ ئه‌نسۆلینێ روو دده‌ت كو نه‌خۆشییه‌كا بۆ ماوه‌ییه، هه‌روه‌سا ئه‌نسۆلین رۆله‌كێ كارتێكه‌ر ل ڤه‌گوهاستنا شه‌كرا خوینێ بۆ ئه‌ندامێن له‌شى هه‌یه، و ده‌رئه‌نجامێ وێ شه‌كرا خوینێ كێم دكه‌ت.</span></h3>
