پشتی سەرێ سالێ دێ 400 ملیار دینارێن بەغدا گەھن

ئاژانسا خانی ، تایبەت:

پەرلەمانتاره‌كێ پارتی ئاشکرا کر، ھنارتنا ٤٠٠ ملیار دینارێن بەغدا ئێکلابوویە و پشتی سەرێ سالێ دێ پارە بۆ ھەرێما کوردستانێ ھێتە ھنارتن، ژبەرکو رێکكەفتن ھەیە دناڤبەرا ھەردو حوکمەتا دا.

شوان کەلاری، پەرلەمانتارێ پارتی ل پەرلەمانێ عێراقێ بۆ ئاژانسا خانی دیارکر” بەری نوکە رێکكەفتن دناڤبەرا ھەردو حوکمەتێن ھەرێما کوردستانێ و بەغدا ھاتییە کرن بۆ ڤێ چەندێ ھەتا پڕۆژە قانوونا بودجەیی دھێتە پەسەند کرن ھەیڤانە بەغدا دێ ٢٠٠ ملیاران دەتە ھەرێما کوردستانێ ل گەل داھاتێ نەفتێ بۆ مووچێ فەرمانبەران ھێتە مەزاختن، بەلێ مخابن ئەڤ سالە وەک پێدڤی بەغدا یا پێگیر نەبوویە ب ھنارتنا ٢٠٠ ملیار دینارێن ھەرێما کوردستانێ.

ناڤهاتی گۆت ژی” حوکمەتا نوو بڕیاردایە پارێ دو ھەیڤێن ئەڤ سالە کو ٤٠٠ ملیار دینارن بھێنە ھنارتن، نوکە چو ئاریشە نەماینە بۆ ھنارتنا وان ٤٠٠ ملیار دیناران و ب تنێ ھندەک رێکار ژلایێ وەزارەتا دارایا عێراقێ ماینە بۆ ھنارتنا وی پارەیی و پشتی سەرێ سالێ دێ ئەو ٤٠٠ ملیار دینار گەھن.