حەمزە رەزیكی، بەرپرسێ ڕاگەهاندنا رێڤەبەریا گشتییا ساخلەمییا پارێزگەها دهۆكێ ئەڤرۆ د كونگرەیەكێ رۆژنامەڤانیدا ئامارێن ساخلەمیێ یێن رۆژێن بێهنڤەدانا سەرێ سالا نوی ل دەزگەهێن ساخلەمیا دهۆكێ ڕاگەهاندن و دیاركر، 414 زارۆك ژ دایك بووینە ژوان 190 كۆر و 224 كچ، 204 نشتەرگەری هاتینەكرن، 24 كەس تووشی جەلتێن دلی و مەژی و نەخۆشییێن دومدرێژ بووینە، هەروەسا 107 كەس تووشی نەخۆشیێن سووتنێ بووینە كو پێكدهاتن ژ سۆتن و برینێت دەست و پێ و سەرۆچاڤان.
حەمزە رەزیكی دیاركر، 1549 نەخۆش هاتینە نڤاندن و 8 كەس تووشی روودانێن هاتوچوونێ بووینە، هەروەسا د رۆژێن بێهنڤەدانێدا 33 پشكنینێن ڤایرۆسێ كۆرۆنایێ هاتینەكرن و چ حالەتێن نوی یێن كۆرۆنایێ نەهاتینە تۆماركرن.
Like this:
Like Loading...
