ل سەر ئاستێ چار پارێزگەهان و چار ئیدارێن سەربەخۆ یێن هەرێمێ، بتنێ ل هەولێر و ئامێدیێ رێژا ستاندار بۆ كەسكاتییێ دەربازكرییە. ب رەنگەكی ئامێدی ب رێژا 42% كەسكترین دەڤەرا هەرێمێ یە و زاخۆ ب رێژا 3% كێمترین كەسكاتی تێدایە و ل دووڤ سانداردێن جیهانی ژی، رێژا پێدڤی یا كەسكاتییێ ژ باژێرەكی پێدڤی یە ب لایەنێ كێم 15% بیت.
سیامەند کەریم، پەیڤدارێ رێڤەبەرییا باژێرڤانییا هەولێرێ ڕاگەهاند، نوكە ل پارێزگەها هەولێرێ ئەم شتلان بەرهەم دئینین و ژ دەرڤە ناكرین، ئەڤە بوویە ئەگەر رێژا كەسكاتییێ بلند بیت، د سالا بووریدا 182 هزار گۆل و 121 هزار دار هاتینە چاندن و رێژا كەسكاتییێ بوویە 19.5%، د پلاندا هەیە رێژا كەسكاتییێ د سالا بهێتدا زێدەتر بیت.
ژلایه‌كێ دیڤه بەهرۆز سالار، رێڤەبەرێ باخچان ل سلێمانیێ ڕاگەهاند، رێژا كەسكاتییێ ل پارێزگەها سلێمانیێ نەگەهشتیە ئاستێ پێدڤی و لدووڤ داتایێن بەردەست رێژە گەهشتییە 12%ێ.
هه‌روه‌سا ئیسماعیل مستەفا، پەیڤدارێ باژێرڤانییا دهۆکێ ڕاگەهاند، رێژا كەسكاتییێ ل پارێزگەها دهۆكێ 13.6%یە، لدووڤ ئەو بودجە و داهاتێ ل بەردەست مە بەرنامە هەیە د سالا بهێتدا رێژا كەسكاتییێ بلند بیت.
