مالپه‌رێ “Well + Good” نووترین راپۆرت ل دۆر مفایێن ڤه‌خوارنا قه‌هوێ به‌لاڤكرینه، تێدا ویل كۆل شاره‌زایێ بوارێ خوارنێ ئاماژه ب وێ یه‌كێ كریه كو كارتێكرنێن قه‌هوێ ل سه‌ر كه‌سه‌كی بۆ كه‌سه‌كی دی جوداهیا خوه هه‌یه، هنده‌ك كه‌س كوئه‌ندامێ وان یێ هه‌رسكرنێ ب تنێ دشێت ره‌فتارێ ل گه‌ل رێژه‌كا كێم یا كافاینی بكه‌ت كو ئه‌ڤ چه‌ندێ دبیته ئه‌گه‌ر كو ئه‌و كه‌سێ گه‌له‌ك كافاینێ وه‌رگریت تووشی دلته‌نگیێ ببیت و فشار ل سه‌ر لاشه‌یێ وی دروست ببیت.
ئه‌ڤ شاره‌زایێ بوارێ خوارنێ ئاموژگاریا حه‌ژێكه‌رێن قه‌هوێ دكه‌ت كو پشتی ده‌مژمێر سیێ ئێڤاری قه‌هوێ ڤه‌نه‌خوون هه‌روه‌سا ئه‌و كه‌سێن هه‌ستیارن به‌رامبه‌ر كافاینێ پێدڤیه بیر ل سنوورداركرنا ڤه‌خوارنا قه‌هوێ بكه‌ن.
