درۆنا ریکۆن رایز ئێکە ژ وان داهێنانێن ل پێشانگەها تەکنەلۆجی یا لاس ڤێگاس ل ئەمریکا هاتییه نیشاندان و وێ درۆنێ شییانێن هەڵگرتنا مرۆڤی هەنە.
میک کاویتز، داهێنەر ل رای ئەیرۆ تەکنۆلۆجی دبێژیت، ” مه پێكڤه کار ل سەر تەکسیا فڕینێ کرییە، مه دڤییا تشتهكێ دروستبکەین کو بشێت بفڕیت بێی كو پێدڤی ب فڕۆکەڤانی ههبیت.”
درۆنا ریکۆن رایز، شەش بزوێنەر هەنە کو هەر ئێك ژ وان ل رهخهكی یه و ئهو بزوێنەرە ب هێزا کارەبێ کار دکەن، چ گازێن زیانبەخش بهلاڤناکەن.
ئهو درۆنە داهێنانا کۆمپانیا رای ئەیرۆ تەکنەلۆجییە و بهایێ ههر دانەیهكێ 150 هزار دۆلارن و وێ کۆمپانییێ پلان هەیە، وێ درۆنێ بۆ خزمەتکرنا کەرتێ چاندنێ تەرخان بکهت.
وێ درۆنێ شییان هەنە بۆ ماوێ 25 خولەکان ب لهزاتییا 100 کیلۆمەتران د دهمژمێرهكێ دا بفڕیت و بڕیارە د چارێكا چارێ یا ئهڤ ساله دا ل بازاران دا بهێته فرۆشتت.
