سزایێ نه‌گرێدانا پیڤه‌رێ ئاڤێ هاته‌ كێم كرن

ئارى ئه‌حمه‌د رێڤه‌به‌رێ گشتى یێ ئاڤێ ل هه‌رێما كوردستانێ راگه‌هاند: جاره‌كا دى حكومه‌تێ بۆ به‌رژه‌وه‌ندییا وه‌لاتییان بریارا داشكاندنا سزایێ نه‌گرێدانا پیڤه‌رێن ئاڤێ دا  و 80 هزار كرێیا هه‌یڤه‌كێ بۆ 45 هزار دیناران هاتییه‌ كێمكرن و به‌روڤاژى ئه‌وێن ب بریارا حكومه‌تێ  پابه‌ند نه‌بن بۆ گرێدانا پیڤه‌رێن ئاڤێ بۆ سالا 2021 و 2022 بۆ هه‌ر هه‌یڤه‌كێ دێ 80 هزار دینار ژێ هێنه‌ وه‌رگرتن” چونكی بریارا حكومه‌تێ ده‌رفه‌ته‌كه‌ بۆ وێ چه‌ندێ كو وه‌لاتى مفادار بن ژ كێمكرنا پارێ سزایێ پیڤه‌رێن ئاڤێ.

 ناڤهاتی دیار كر ژى: حكومه‌تێ قه‌ره‌كێ مه‌زن یێ ئاڤێ لده‌ف وه‌لاتی و فه‌رمانگه‌هان هه‌یه‌ و نوكه‌ ئه‌و پارێ كرێیا ئاڤێ بۆ حكومه‌تی نه‌زڤرى گه‌هشتییه‌ 400 ملیار دیناران” ئه‌ڤه‌ چه‌ندین جاران‌ حكومه‌تا هه‌رێمێ داشكاندن بۆ وه‌لاتیان كرییه‌ و ل دووماهییا سالا بورى ژ ئه‌گه‌رێ داشكاندنا حكومه‌تێ ژماره‌كا وه‌لاتییان مفادار بوون ژ وێ بریارێ و پابه‌ندبوون ب گرێدانا پیڤه‌رێن ئاڤێ  ئه‌ڤێ چه‌ندێ ژى وه‌كرییه‌ كو رۆژانه‌ ژماره‌كا مه‌زنا وه‌لاتییان سه‌ره‌دانا فه‌رمانگه‌هێن ئاڤێ ل هه‌موو ده‌ڤه‌رێن كوردستانێ بكه‌ن.