مەسرور بارزانی، سەرۆکێ حکومەتا هەرێما کوردستانێ ئەڤرۆ ب سەرۆکایەتییا شاندەكێ بلند یێ حكومەتێ بەرەڤ بەغدا رێككەفتن.
سەرۆکێ حکومەتێ ل بەغدا دێ دگەل هەر چار سەرۆکایەتییێن عیراقێ، محەمەد شیاع سوودانی، سەرۆکوەزیر و لەتیف رەشید، سەرۆککۆمار و محەمەد حەلبوسی، سەرۆکێ جڤاتا نوونەران و فایەق زێدان، سەرۆکێ جڤاتا بلند یا دادوەری كۆمبیت.
د كۆمبوونێن دگەل سەرۆکایەتییێن عیراقێ، دێ دانوستاندنێ لدۆر چارەسەرکرنا ئاریشەیێن هەلاویستی دناڤبەرا هەرێما کوردستان و حکومەتی فیدرال، ل سەر بنەمایێ دەستوور و رێککەفتنا لایەنان بۆ پێكئینانا حکومەت و کارناما وەزاری هێتەكرن.
هەروەسا پێشڤەبرن ب هاریکاری و هەماهەنگیا دناڤبەرا هەردوو لایەنان ل پێناڤ ڕووبرووبوونا ئاریشە و ئاستەنگ و چارەسەرکرنا وان هێتە گۆتۆبێژكرن.
