<!-- wp:paragraph --> <h2>محەمەد گڤاری</h2> <h2>ژنەکا ئەمریکی ب ناڤێ رۆزێڤ بارکس یا پیست ڕەش کارێ دوریاریێ دکر، ل سالا 1955 سواری پاسەکێ بوو، دیت جهەکێ ڤالایە، ل سەر وی جهی رۆینشت، پاشان زەلامەکێ پیست سپی سواری هەمان پاس بوو، ل هنداڤ سەرێ وێ ژنێ ڕاوەستیا دا جهێ خۆ بدەتێ چونکی وی سەردەمی یاسایەکا ئەمریکی هەبوو دگۆت پێدڤییە د ناڤ پاساو جهێن گشتی مرۆڤێت پیست ڕەش جهێت خۆ بۆ پیست سپیا ڤالا بکەن، بەلێ وێ ژنا پیست ڕەش ڕەتکر جهێ خۆ بۆ زەلامێ پیست سپی ڤالا بکەت، لەوا ئاژۆکاری پاسێ، پاس ڕاوەستاندن، پشتی چەند خۆلەکان پۆلیس هاتن و رۆزێڤ بارکس دەستەسەرکر و ڕادەستی دادگەهێ کر، دادگەهێ ژی ب كوژمەکێ پارەی ئەو ژن سزادا، بەلێ وێ ژنێ ڕەتکر پارەی بدەت، لەوا دادگەهێ ئەو ژنا پیست ڕەش زیندانکر بەرامبەر نەدانا کۆژمێ پارەی، دیسان وەك کارڤەدانەک ژ ئالییێ پیست ڕەش یێن ئەمریکاڤە نەرازیبوونا خۆ هەمبەر وێ سزای دەربڕین و ئێدی پیست ڕەش سواری پاسان نەبوون، هەتا بۆرینا 381 ڕۆژان دادگەها بلند ل سالا 1956 بریارا ڕاستڤەکرنا وێ یاسایێدا کو نابیت جوداهی دناڤبەرا مرۆڤێن ڕەش و سپی بهێتەکرن، پاشان مرۆڤێن ڕەش پیست جارەکادی سواری پاسان بوون، دیسان ل سالا 1964 دادگەها بلند یا ئەمریکی ل واشنتۆن بڕیار دا، چێنابیت ڕەگەز پەرستی و دەمارگیرییا نەژادی و هەر کارەکێ ب وی ڕەنگی دناڤبەرا پیست ڕەش و سپیا بمینیت چونکی هەردوو مرۆڤن، د ئەرک و مافاندا یەکسانن، هەر کەسەك پێگیرییێ ب یاسایا نوی نەکەت دێ ب توندی هێتە سزادان، بەلێ ژنەکێ ب هەلویستەکێ مێرخاسانە و ب وێرەکیا خۆ شییا ڕێڕەوا دیرۆکێ بگهۆڕیت.</h2> <!-- /wp:paragraph --> <!-- wp:paragraph --><!-- /wp:paragraph -->
