حكومه‌تا هه‌رێما كوردستانێ راگه‌هاندنه‌ك ده‌رباره‌یی سه‌ره‌دانا مه‌سرور بارزانی بۆ به‌غدا به‌لاڤكر

ئه‌ڤڕۆ چارشه‌مبی، مەسرور بارزانی، سەرۆکێ حکومەتا هەرێما کوردستانێ ب سەره‌دانه‌كێ گەهشتە بەغدا و ل گەل بەرپرسێن بلند یێن حکومەتا عێراقێ کۆمبوو.

ده‌قێ راگه‌هاندنا حكومه‌تا هه‌رێما كوردستانێ ده‌ر‌باره‌یی سه‌ره‌دانا مه‌سرور بارزانی بۆ به‌غدا:

سه‌رۆكێ حکومەتا هەرێما کوردستانێ ل ‌گه‌ل سه‌رۆك وه‌زيرێن فیدراڵ كۆمبوو

ئه‌ڤرۆ چارشەمبی” سەرۆکێ حکومەتا هەرێما کوردستانێ مەسرور بارزانى، ل ‌گه‌ل محه‌مه‌د شياع سودانى، سه‌رۆكوه‌زيرێن عێراقا فيدراڵ كۆمبوو.

د كۆمبوونه‌كێ ‌دا ته‌كه‌زی ل سه‌ر گرنگییا چارەسەرکرنا کێشێن دناڤبه‌را هەرێما کوردستانێ و حکومەتا فیدراڵی ل سەر بنەمایێ دەستووری و كارناما وەزاری هاته‌ کرن.

سەرۆکێ حکومەت ێ گۆت: ئەگەر نییه‌تا چارەسەرییێ هەبیت گه‌له‌ك رێك هەنه‌ بۆ چارەسەرکرنا ئاریشان.

سەرۆکوەزیرێن عیراقێ گۆت: مه‌ حه‌زه‌كا ب هێز هەیە بۆ چارەسەرکرنا ئاریشان دناڤبه‌را هەرێما کوردستانێ و حکومەتا فیدرالی.

تەوەره‌كێ دیتر یێ تایبەت بوو بۆ ئامادەکاری یێن پڕۆژە یاسایێ بودجەیێ فیدرالی بۆ سالا 2023 ێ و هووركاری یێن پشک و شایستێن دارایی یێن هەرێما کوردستانێ د بودجەیێ فیدرالی  دا.

هەروەسا دانوستاندن دەربارەیی گاڤێن ئامادەکرنا پڕۆژە یاسایا نەفت و گازا فیدراڵی هاته‌ کرن وهەردو ئالی هه‌ڤرابوون ل سەر پێدڤییا چارەسەرکرنا ئاریشان د چارچۆڤێ دەستووری دا.

گرنگییا بحهئینانا مادێ 140 یێ دەستووری و دەستەبەرکرنا مافێن دەستووری یێن هێزا پێشمەرگەیێ کورستانێ وەک پشكه‌ک ژ سیستەمێ بەرگرییا عێراقا فیدراڵ و بجهئینانا ڕێککەفتنناما شنگالێ و چەند تەوەرێن دیتر.