فه‌رمانگه‌ها میدیا و زانیارى راگه‌هاند، ئه‌ڤرۆ جڤاتا وه‌زیرێن هه‌رێما كوردستانێ، ب سه‌رپه‌رشتیا مه‌سرور بارزانى، سه‌رۆكوه‌زیرین هه‌رێما كوردستانێ دێ كۆمبیت.
دیار ژى كر، د ڤێ كۆمبوونێدا چه‌ند برگه‌یێن گرنگ دێ بخوڤه گریت و برگا ئێكێ دێ تایبه‌ت بیت ب ئاشكراكرنا ده‌رئه‌نجامێ سه‌ره‌دانا شاندێ حكومه‌تا هه‌رێما كوردستانێ ب سه‌رۆكاتیا مه‌سرور بارزانى سه‌روكوه‌زیرێن عیراقێ بۆ به‌غدا ل رۆژا 11-1-2023ى.
هه‌روه‌سا، وه‌زاره‌تا سامانێن سرۆشتى راپۆرته‌ك لدور بجهئینانا بریارا به‌رێ یا جڤاتا وه‌زیران، تاییبه‌ت ب دابینكرنا گازا سپى بۆ وه‌لاتیێن هه‌رێما كوردستانێ، د برگا دووێ یا كۆمبوونێ دا دێ ئاشكراكه‌ت.
برگا سیێ ژ كۆمبوونێ دێ یا تاییبه‌ت بیت ب پێشكێشكرنا راپۆرته‌كێ لدور پێشڤه‌برنا بجهئینانا پلانا هه‌رێما كوردستانێ بۆ مافێن مرۆڤى ژ لایێ رێكخه‌رێ راسپارده‌یێن ناڤده‌وله‌تى.
