سەرۆکێ حکومەتا هەرێما کوردستانێ ل گەل سەرۆک وەزیرێن ئوردنێ کۆمبوو

ئەڤرۆ چارشەمبی 18 / 1/ 2023 ێ، مەسرور بارزانی، سەرۆکێ حکومەتا هەرێما کوردستانێ ل داڤۆس، ل گەل بشر ئەلخساونە، سەرۆک وەزیرێن شاهنشینا ئوردنێ کۆمبوو.

د وێ کۆمبوونێ دا، گرنگییا زێده‌تر ب پەیوەندی یێن دۆستانە و مێژوویی یێن دناڤبه‌را هەرێما کوردستانێ و شاهنشینا ئوردنێ هاتنه‌ به‌حس كرن.

سەرۆک وەزیرێن ئوردنێ، سڵاڤ و ڕێزێن شاهـ عەبدوللایی شاهێ ئوردنێ گه‌هاندنه‌ سەرۆکێ حکومەتێ و گۆت ژی: هەرێما کوردستانێ و سەرۆک مەسعود بارزانی، جهـ و پێگەهه‌كێ تایبەت لده‌ف شاهـ عەبدوڵلایی و شاهنشینا هاشمی یا ئوردنی هەیە.

سەرۆکێ حکومەتێ سوپاسییا پشته‌ڤانییا شاهنشینا ئوردنێ کر ب تایبەتی ل ده‌مێ هێرشا تیرۆریستێن داعشێ بۆ سەر هەرێما کوردستانێ” هەروەسا ڕێز و پێزانینێن خۆ بۆ بزاڤ و کارکرنا شاهـ عەبدوڵلایی دەربڕی ژ پێخه‌مه‌ت ئارامییا عێراقێ و هەرێما کوردستانێ.

تەوەره‌كێ سەرەکی یێ وێ کۆمبوونێ، یێ تایبەت بوو ب گرنگیدانا هاریکارییێ و هه‌ماهەنگییێ د بیاڤێ چاندنێ و بازرگانی و دەلیڤێن مفا وەرگرتنا کوردستانێ ژ ئەزموونا سەرکەفتی یا ئوردنێ د بیاڤێ ساخله‌مییێ دا.