مەسرور بارزانی، سەرۆکێ حکومەتا هەرێما کوردستانێ ئەڤرۆ رۆژا چارشەمبی ل داڤۆس دگەل عەبدوللا بن عادل فەخرۆ، وەزیرێ پیشەسازی و بازرگانییێ بەحرێن كۆمبوو.
سەرۆکێ حکومەتا هەرێمێ و وەزیرێ پیشەسازی و بازرگانییێ ل بەحرێن، پەیوەندییێن دناڤبەرا هەرێما کوردستان و شاهنشینا بەحرێن، تایبەت د بوارێن پێشڤەبرنا وەبەرهێنان و پیشەسازی و چاندن و گهۆرینێن بازرگانی گۆتۆبێژكرن.
عەبدوللا بن عادل فەخرۆ، سلاڤ و رێزێن شێخ سەلمان بن حەمەد ئال خەلیفە، جێهنشین و سەرۆکوەزیرێن بەحرێن گەهاندنە مەسرور بارزانی و ئامادەییا وەلاتێ خۆ بۆ بهێزكرنا پەیوەندییێن دگەل هەرێما کوردستانێ دیاركر.
وەزیرێ پیشەسازی و بازرگانییێ ل بەحرێن ڕاگەهاند، بڕیارە دگەل شاندەكێ مەزن یێ بازرگانی، سەرەدانا هەرێما کوردستانێ بكەین.
هەروەسا سەرۆکێ حکومەتێ ئامادەییا هەرێما کوردستانێ بۆ پێشڤەبرنا پەیوەندییان دگەل شاهنشینا بەحرێن ل هەمی بواراندا دیاركر.
